17 shlokas
- 1
देवस्य त्वा सवितुः प्रसवे ऽश्विनोर्बाहुभ्यां पूष्णो हस्ताभ्यां प्रतिगृह्णामि
devasya tvā savituḥ prasave 'śvinorbāhubhyāṃ pūṣṇo hastābhyāṃ pratigṛhṇāmi
- 2
वरुणस्त्वा नयतु देवि दक्षिणे वरुणायाश्वं तेनामृतत्वम् अशीय वयो दात्रे भूयान्मयो मह्यं प्रतिग्रहीत्रे
varuṇastvā nayatu devi dakṣiṇe varuṇāyāśvaṃ tenāmṛtatvam aśīya vayo dātre bhūyānmayo mahyaṃ pratigrahītre
- 3
वरुणस्त्वा नयतु देवि दक्षिणे रुद्राय गां तयामृतत्वम् अशीय वयो दात्रे भूयान्मयो मह्यं प्रतिग्रहीत्रे
varuṇastvā nayatu devi dakṣiṇe rudrāya gāṃ tayāmṛtatvam aśīya vayo dātre bhūyānmayo mahyaṃ pratigrahītre
- 4
वरुणस्त्वा नयतु देवि दक्षिणे ऽग्नये ऽजम्
varuṇastvā nayatu devi dakṣiṇe 'gnaye 'jam
- 5
अग्नये हिरण्यम्
agnaye hiraṇyam
- 6
अग्नीषोमाभ्याम् अजां तयामृतत्वम् अशीय वयो दात्रे भूयान्मयो मह्यं प्रतिग्रहीत्रे
agnīṣomābhyām ajāṃ tayāmṛtatvam aśīya vayo dātre bhūyānmayo mahyaṃ pratigrahītre
- 7
अन्नस्यान्नपतिः प्रादाद् अनमीवस्य शुष्मिणो नमो विश्वजनस्य क्षामाय भुञ्जति मा मा हिंसीः
annasyānnapatiḥ prādād anamīvasya śuṣmiṇo namo viśvajanasya kṣāmāya bhuñjati mā mā hiṃsīḥ
- 8
वरुणस्त्वा नयतु देवि दक्षिणे त्वष्ट्रे ऽविं तयामृतत्वम् अशीय वयो दात्रे भूयान्मयो मह्यं प्रतिग्रहीत्रे
varuṇastvā nayatu devi dakṣiṇe tvaṣṭre 'viṃ tayāmṛtatvam aśīya vayo dātre bhūyānmayo mahyaṃ pratigrahītre
- 9
ग्नास्त्वा ऽकृन्तन्न् अपसो ऽतन्वत वयित्र्यो ऽवयन्
gnāstvā 'kṛntann apaso 'tanvata vayitryo 'vayan
- 10
वरुणस्त्वा नयतु देवि दक्षिणे बृहस्पतये वासस्तेनामृतत्वम् अशीय वयो दात्रे भूयान्मयो मह्यं प्रतिग्रहीत्रे
varuṇastvā nayatu devi dakṣiṇe bṛhaspataye vāsastenāmṛtatvam aśīya vayo dātre bhūyānmayo mahyaṃ pratigrahītre
- 11
वरुणस्त्वा नयतु देवि दक्षिणे उत्तानायाङ्गिरसायाप्राणत्तेनामृतत्वम् अशीय वयो दात्रे भूयान्मयो मह्यं प्रतिग्रहीत्रे
varuṇastvā nayatu devi dakṣiṇe uttānāyāṅgirasāyāprāṇattenāmṛtatvam aśīya vayo dātre bhūyānmayo mahyaṃ pratigrahītre
- 12
वरुणस्त्वा नयतु देवि दक्षिणे पूष्ण उष्ट्रम्
varuṇastvā nayatu devi dakṣiṇe pūṣṇa uṣṭram
- 13
वायवे मृगं तेनामृतत्वम् अशीय वयो दात्रे भूयान्मयो मह्यं प्रतिग्रहीत्रे
vāyave mṛgaṃ tenāmṛtatvam aśīya vayo dātre bhūyānmayo mahyaṃ pratigrahītre
- 14
प्रजापतये हस्तिनं प्रजापतये वराहं प्रजापतये व्रीहियवांस्तैर् अमृतत्वम् अशीय वयो दात्रे भूयान्मयो मह्यं प्रतिग्रहीत्रे
prajāpataye hastinaṃ prajāpataye varāhaṃ prajāpataye vrīhiyavāṃstair amṛtatvam aśīya vayo dātre bhūyānmayo mahyaṃ pratigrahītre
- 15
वरुणस्त्वा नयतु देवि दक्षिणे क्षेत्रपतये तिलमाषास्तैर् अमृतत्वम् अशीय वयो दात्रे भूयान्मयो मह्यं प्रतिग्रहीत्रे
varuṇastvā nayatu devi dakṣiṇe kṣetrapataye tilamāṣāstair amṛtatvam aśīya vayo dātre bhūyānmayo mahyaṃ pratigrahītre
- 16
वरुणस्त्वा नयतु देवि दक्षिणे सवित्रे ऽश्वतरं वाश्वतरीं वा तयामृतत्वम् अशीय वयो दात्रे भूयान्मयो मह्यं प्रतिग्रहीत्रे
varuṇastvā nayatu devi dakṣiṇe savitre 'śvataraṃ vāśvatarīṃ vā tayāmṛtatvam aśīya vayo dātre bhūyānmayo mahyaṃ pratigrahītre
- 17
क इदं कस्मा अदात्कामः कामायादात्कामो दाता कामः प्रतिग्रहीता कामः समुद्रम् आविशत्कामेन त्वा प्रतिगृह्णामि कामैतत्ते
ka idaṃ kasmā adātkāmaḥ kāmāyādātkāmo dātā kāmaḥ pratigrahītā kāmaḥ samudram āviśatkāmena tvā pratigṛhṇāmi kāmaitatte

