19 shlokas
- 1
ऋतस्य द्वारौ स्थो मा मा संताप्तम्
ṛtasya dvārau stho mā mā saṃtāptam
- 2
नमः सखिभ्यः पूर्वसद्भ्यो नमो ऽपरसद्भ्यः
namaḥ sakhibhyaḥ pūrvasadbhyo namo 'parasadbhyaḥ
- 3
श्येनो नृचक्षा अग्नेष्ट्वा चक्षुषावपश्यामि
śyeno nṛcakṣā agneṣṭvā cakṣuṣāvapaśyāmi
- 4
इन्दविन्द्रपीतस्य त इन्द्रियावतो गायत्रच्छन्दसः सर्वगणस्य सर्वगण उपहूत उपहूतस्य भक्षयामि
indavindrapītasya ta indriyāvato gāyatracchandasaḥ sarvagaṇasya sarvagaṇa upahūta upahūtasya bhakṣayāmi
- 5
ऊर्ध्वः सप्त ऋषीन् उपतिष्ठस्वेन्द्रपीतो वाचस्पते सप्तर्त्विजो ऽभ्युच्छ्रयस्व जुषस्व लोकम्मार्वाग् अवगाः
ūrdhvaḥ sapta ṛṣīn upatiṣṭhasvendrapīto vācaspate saptartvijo 'bhyucchrayasva juṣasva lokammārvāg avagāḥ
- 6
सोम रारन्धि नो हृदि पिता नो ऽसि मम तन्मा मा हिंसीः
soma rārandhi no hṛdi pitā no 'si mama tanmā mā hiṃsīḥ
- 7
सोम गीर्भिष्ट्वा वयं वर्धयामो वाचोविदः सुमृडीको न आविश
soma gīrbhiṣṭvā vayaṃ vardhayāmo vācovidaḥ sumṛḍīko na āviśa
- 8
आप्यायस्व समेतु ते विश्वतः सोम वृष्ण्यं भवा वाजस्य संगथे
āpyāyasva sametu te viśvataḥ soma vṛṣṇyaṃ bhavā vājasya saṃgathe
- 9
अवमैस्त ऊर्वैस्ते काव्यैस्ते पितृभिर्भक्षितस्य मधुमतो नाराशंसस्य सर्वगणस्य सर्वगण उपहूत उपहूतस्य भक्षयामि
avamaista ūrvaiste kāvyaiste pitṛbhirbhakṣitasya madhumato nārāśaṃsasya sarvagaṇasya sarvagaṇa upahūta upahūtasya bhakṣayāmi
- 10
दीक्षायै वर्णेन तपसो रूपेण मनसो महिम्ना वाचो विभूत्या प्रजापतिस्त्वा युनक्तु प्रजाभ्यो ऽपानाय
dīkṣāyai varṇena tapaso rūpeṇa manaso mahimnā vāco vibhūtyā prajāpatistvā yunaktu prajābhyo 'pānāya
- 11
वायुर्युनक्तु मनसा स्तोमं यज्ञाय वोढवे दधात्व् इन्द्र इन्द्रियं सत्याः कामा यजमानस्य सन्तु
vāyuryunaktu manasā stomaṃ yajñāya voḍhave dadhātv indra indriyaṃ satyāḥ kāmā yajamānasya santu
- 12
वृषको ऽसि त्रिष्टुप्छन्दा अनु त्वा रभे स्वस्ति मा संपारया मा स्तोत्रस्य स्तोत्रं गम्याद् इन्द्रवन्तो वनेमहि भक्षीमहि प्रजाम् इषम्
vṛṣako 'si triṣṭupchandā anu tvā rabhe svasti mā saṃpārayā mā stotrasya stotraṃ gamyād indravanto vanemahi bhakṣīmahi prajām iṣam
- 13
इन्दविन्द्रपीतस्य त इन्द्रियावतस्त्रिष्टुप्छन्दसः सर्वगणस्य सर्वगण उपहूत उपहूतस्य भक्षयामि
indavindrapītasya ta indriyāvatastriṣṭupchandasaḥ sarvagaṇasya sarvagaṇa upahūta upahūtasya bhakṣayāmi
- 14
सूर्यो युनक्तु वाचा स्तोमं यज्ञाय वोढवे दधात्व् इन्द्र इन्द्रियं सत्याः कामा यजमानस्य सन्तु
sūryo yunaktu vācā stomaṃ yajñāya voḍhave dadhātv indra indriyaṃ satyāḥ kāmā yajamānasya santu
- 15
स्वरो ऽसि गयो ऽसि जगच्छन्दा अनु त्वा रभे स्वस्ति मा संपारया मा स्तोत्रस्य स्तोत्रं गम्याद् इन्द्रवन्तो वनेमहि भक्षीमहि प्रजाम् इषम्
svaro 'si gayo 'si jagacchandā anu tvā rabhe svasti mā saṃpārayā mā stotrasya stotraṃ gamyād indravanto vanemahi bhakṣīmahi prajām iṣam
- 16
इन्दविन्द्रपीतस्य त इन्द्रियावतस्त्रिष्टुप्छन्दसः सर्वगणस्य सर्वगण उपहूत उपहूतस्य भक्षयामि
indavindrapītasya ta indriyāvatastriṣṭupchandasaḥ sarvagaṇasya sarvagaṇa upahūta upahūtasya bhakṣayāmi
- 17
आयुर्मे प्राणे मनसि मे प्राण आयुपत्न्याम् ऋचि यन्मे मनो यमं गतं यद्वा मे अपरागतं राज्ञा सोमेन तद्वयं पुनर् अस्मासु दध्मसि
āyurme prāṇe manasi me prāṇa āyupatnyām ṛci yanme mano yamaṃ gataṃ yadvā me aparāgataṃ rājñā somena tadvayaṃ punar asmāsu dadhmasi
- 18
यन्मे यमं वैवस्वतं मनो जगाम दूरगास्तन्म आवर्तया पुनर्जीवातवे न मर्तवे ऽथो अरिष्टतातये
yanme yamaṃ vaivasvataṃ mano jagāma dūragāstanma āvartayā punarjīvātave na martave 'tho ariṣṭatātaye
- 19
येना ह्याजिम् अजयद्विचक्ष्य येन श्येनं शकुनं सुपर्णं यद् आहुश्चक्षुर् अदिताव् अनन्तं सोमो नृचक्षा मयि तद्दधातु
yenā hyājim ajayadvicakṣya yena śyenaṃ śakunaṃ suparṇaṃ yad āhuścakṣur aditāv anantaṃ somo nṛcakṣā mayi taddadhātu

