54 shlokas
- 1
याग्निहोत्रस्य स्कन्नस्य प्रायश्चित्तिः सा व्रतस्य
yāgnihotrasya skannasya prāyaścittiḥ sā vratasya
- 2
अतिनीय सायमशनं व्रतं व्रतयत्य् उपोदयं वातिनीय प्रातरशनम् उपास्तमयं वा
atinīya sāyamaśanaṃ vrataṃ vratayaty upodayaṃ vātinīya prātaraśanam upāstamayaṃ vā
- 3
नादीक्षितो व्रतयन्तं पश्येत्
nādīkṣito vratayantaṃ paśyet
- 4
अग्नीञ्ज्योतिष्मतः कुरु व्रतम् उपेहि व्रत्येत्य् उक्त्वा दीक्षितसंचरेणातिहृत्य दक्षिणत आहवनीयस्य कांस्ये चमसे वा व्रतं प्रयच्छति
agnīñjyotiṣmataḥ kuru vratam upehi vratyety uktvā dīkṣitasaṃcareṇātihṛtya dakṣiṇata āhavanīyasya kāṃsye camase vā vrataṃ prayacchati
- 5
दैवीं धियं मनामह इति पाणी प्रक्षालयते
daivīṃ dhiyaṃ manāmaha iti pāṇī prakṣālayate
- 6
ये देवा मनुजाता मनोयुज इति व्रतयति
ye devā manujātā manoyuja iti vratayati
- 7
शिवाः पीता भवतेति नाभिदेशम् आरभ्य जपति
śivāḥ pītā bhavateti nābhideśam ārabhya japati
- 8
पश्चार्धे पत्नी व्रतयति
paścārdhe patnī vratayati
- 9
उपोदयं व्रतप्रदो वाचं यमयति दीक्षित वाचं यच्छ पत्नि वाचं यच्छेत्य् उपास्तमयं च
upodayaṃ vrataprado vācaṃ yamayati dīkṣita vācaṃ yaccha patni vācaṃ yacchety upāstamayaṃ ca
- 10
दक्षिणत आहवनीयस्योदङ्मुखो ऽपर्यावर्तमानः प्राक्शिराः शयीत
dakṣiṇata āhavanīyasyodaṅmukho 'paryāvartamānaḥ prākśirāḥ śayīta
- 11
कामो हविषां मन्दिष्ठस्त्वम् अग्ने व्रतपा असीति स्वप्स्यञ्जपेत्पुनर्मनस्त्वम् अग्ने व्रतपा असीति प्रबुध्यन्
kāmo haviṣāṃ mandiṣṭhastvam agne vratapā asīti svapsyañjapetpunarmanastvam agne vratapā asīti prabudhyan
- 12
दीक्षितो भृतिं वन्वीत
dīkṣito bhṛtiṃ vanvīta
- 13
पूषा सनीनाम् इति याचकान्व्रजतो ऽनुमन्त्रयते
देवः सवितेति प्रत्यागतान्
pūṣā sanīnām iti yācakānvrajato 'numantrayate
devaḥ saviteti pratyāgatān
- 14
प्रवत्स्यन्न् अयं ते योनिर् ऋत्विय इत्य् अरण्योः समारोपयति
यदि गतश्रीः सर्वान्
pravatsyann ayaṃ te yonir ṛtviya ity araṇyoḥ samāropayati
yadi gataśrīḥ sarvān
- 15
भद्राद् अभि श्रेयः प्रेहि बृहस्पतिः पुरएता ते अस्तु
अथेम् अवस्य वर आ पृथिव्या आरे शत्रून्कृणुहि सर्ववीरः
इति प्रयात्य् अरणिभ्यां सह रथाङ्गेन च
bhadrād abhi śreyaḥ prehi bṛhaspatiḥ puraetā te astu
athem avasya vara ā pṛthivyā āre śatrūnkṛṇuhi sarvavīraḥ
iti prayāty araṇibhyāṃ saha rathāṅgena ca
- 16
देवीर् आपो अपां नपाद् इत्य् अपो ऽवगाहमान आ पाराल्लोष्टं मृद्नीयात्
devīr āpo apāṃ napād ity apo 'vagāhamāna ā pārālloṣṭaṃ mṛdnīyāt
- 17
यदि नावा तरेद् अन्येन वाछिन्नं तन्तुं पृथिव्या अनुगेषम् इत्य् आ पाराल्लोष्टं मृद्नीयात्
yadi nāvā tared anyena vāchinnaṃ tantuṃ pṛthivyā anugeṣam ity ā pārālloṣṭaṃ mṛdnīyāt
- 18
उदयास्तमयौ विहारान्ते स्यात्
udayāstamayau vihārānte syāt
- 19
अपरिमिता दीक्षास्तासां प्रथमां जागर्ति
तिस्र उपसदो ऽपरिमिता वा त्रिरभ्यासास्तासाम्प्रथमां जागर्ति श्वःसुत्येति च
aparimitā dīkṣāstāsāṃ prathamāṃ jāgarti
tisra upasado 'parimitā vā trirabhyāsāstāsāmprathamāṃ jāgarti śvaḥsutyeti ca
- 20
दीक्षाभ्य ऊर्ध्वं प्रायणीयं निर्वपत्य् अदित्यै पयसि चरुम्
dīkṣābhya ūrdhvaṃ prāyaṇīyaṃ nirvapaty adityai payasi carum
- 21
सिद्धम् आ संशासनात्
siddham ā saṃśāsanāt
- 22
न दीक्षितस्य पत्नीं संनह्यति
na dīkṣitasya patnīṃ saṃnahyati
- 23
पत्नीं मन्त्रेणोपस्थापयति
patnīṃ mantreṇopasthāpayati
- 24
नाज्यभागौ यजति
nājyabhāgau yajati
- 25
ध्रौवस्यावदाय पथ्यां स्वस्तिं पूर्वार्धे यजत्य् अग्निं दक्षिणार्धे सोमं पश्चार्धे सवितारम् उत्तरार्धे
चरोर् अदितिं मध्ये
dhrauvasyāvadāya pathyāṃ svastiṃ pūrvārdhe yajaty agniṃ dakṣiṇārdhe somaṃ paścārdhe savitāram uttarārdhe
caror aditiṃ madhye
- 26
स्विष्टकृता प्रचरति
ध्रौवस्यावदाय चरोर् अवद्यति द्विर् अभिघारयति
sviṣṭakṛtā pracarati
dhrauvasyāvadāya caror avadyati dvir abhighārayati
- 27
शंय्वन्ता संतिष्ठते
śaṃyvantā saṃtiṣṭhate
- 28
चरुनिष्काषं मेक्षणम् उदयनीयाय निदधाति
caruniṣkāṣaṃ mekṣaṇam udayanīyāya nidadhāti
- 29
आज्यप्ररेकं ध्रुवायाश्चतुर्गृहीतं गृह्णाति
ājyaprarekaṃ dhruvāyāścaturgṛhītaṃ gṛhṇāti
- 30
आम्नाता राजक्रयण्य् अधिकर्णी षोडशिनि
āmnātā rājakrayaṇy adhikarṇī ṣoḍaśini

