34 shlokas
- 1
गृहीतसोमं परि माग्न इति वाचयति
gṛhītasomaṃ pari māgna iti vācayati
- 2
उत्तरे च
uttare ca
- 3
उद् आयुषेत्य् उत्थानम्
ud āyuṣety utthānam
- 4
शीर्ष्णि सोमं कृत्वा पाणिम् अन्तर्धाय प्रति पन्थाम् इत्य् अनो ऽभ्येति दक्षिणतस्तिष्ठच्छन्नं समङ्गि धौतम्
śīrṣṇi somaṃ kṛtvā pāṇim antardhāya prati panthām ity ano 'bhyeti dakṣiṇatastiṣṭhacchannaṃ samaṅgi dhautam
- 5
प्रौगाच्चोद्धते फलके
praugāccoddhate phalake
- 6
कृष्णाजिनम् अस्मिन्न् आस्तृणात्य् अदित्यास्त्वग् इति
kṛṣṇājinam asminn āstṛṇāty adityāstvag iti
- 7
तस्मिन्त्सोमं निदधात्य् अदित्यै सद इति
tasmintsomaṃ nidadhāty adityai sada iti
- 8
अस्तभ्नाद्द्याम् इति सोमम् आलम्भ्य वाचयति
astabhnāddyām iti somam ālambhya vācayati
- 9
वनेषु व्य् अन्तरिक्षम् इति सोमपर्याणहनेन परितत्य कृष्णाजिनं पुरस्ताद् आसजति सूर्यस्य चक्षुर् इत्य् आसनयोर् अन्यतरत्
vaneṣu vy antarikṣam iti somaparyāṇahanena paritatya kṛṣṇājinaṃ purastād āsajati sūryasya cakṣur ity āsanayor anyatarat
- 10
एकं चेद्ग्रीवा अवकृत्य
ekaṃ cedgrīvā avakṛtya
- 11
अनड्वाहौ युनक्त्य् उस्राव् एतम् इति
anaḍvāhau yunakty usrāv etam iti
- 12
युगपत्तद्वचनत्वात्
yugapattadvacanatvāt
- 13
भेदे मन्त्रावृत्तिः सांनिपातित्वात्
bhede mantrāvṛttiḥ sāṃnipātitvāt
- 14
ईषान्तरे भूमिष्ठः सुब्रह्मण्यः पलाशशाखया प्राजति
īṣāntare bhūmiṣṭhaḥ subrahmaṇyaḥ palāśaśākhayā prājati
- 15
पश्चात्परीत्यापालम्बं गृहीत्वा सोमाय क्रीतायानुवाचयति
paścātparītyāpālambaṃ gṛhītvā somāya krītāyānuvācayati
- 16
पर्युह्यमाणायेति वा
paryuhyamāṇāyeti vā
- 17
दीक्षितश्चान्वारभते
dīkṣitaścānvārabhate
- 18
त्रिरुक्तायां प्राङ्यात्वा दक्षिणावर्त्य शालां गच्छन्ति
triruktāyāṃ prāṅyātvā dakṣiṇāvartya śālāṃ gacchanti
- 19
भद्रो म इति वाचयति
bhadro ma iti vācayati
- 20
सुब्रह्मण्यां चाह्वयति सुब्रह्मण्यो३ं सुब्रह्मण्यो३म् इति त्रिर् उक्त्वा सकृन्निगदं यावदहे सुत्या भवति तथाह
subrahmaṇyāṃ cāhvayati subrahmaṇyo3ṃ subrahmaṇyo3m iti trir uktvā sakṛnnigadaṃ yāvadahe sutyā bhavati tathāha
- 21
शालां पूर्वेण प्रतिप्रस्थाताग्नीषोमीयं पशुम् आदाय तिष्ठति कृष्णसारङ्गं मेध्यम् अभावे लोहितसारङ्गम्
śālāṃ pūrveṇa pratiprasthātāgnīṣomīyaṃ paśum ādāya tiṣṭhati kṛṣṇasāraṅgaṃ medhyam abhāve lohitasāraṅgam
- 22
नमो मित्रस्येत्य् एनम् आलम्भ्य वाचयति
namo mitrasyety enam ālambhya vācayati
- 23
चरति पशौ वाचनम् एव
carati paśau vācanam eva
- 24
आहवनीयाच्चोल्मुकम् आहृत्यैके
āhavanīyāccolmukam āhṛtyaike
- 25
समीपे ऽन उपस्थाप्योत्तम्भनेनोपस्तभ्नाति वरुणस्योत्तम्भनम् इति
samīpe 'na upasthāpyottambhanenopastabhnāti varuṇasyottambhanam iti
- 26
शम्ये चोद्वृहति वरुणस्य स्कम्भसर्जनी इति
śamye codvṛhati varuṇasya skambhasarjanī iti
- 27
औदुम्बरीम् आसन्दीं नाभिदघ्नाम् अरत्निमात्राङ्गीम् ऊताम् आहरन्ति चत्वारः
audumbarīm āsandīṃ nābhidaghnām aratnimātrāṅgīm ūtām āharanti catvāraḥ
- 28
अभिमृशत्य् एनां वरुणस्य ऋतसदन्य् असीति
abhimṛśaty enāṃ varuṇasya ṛtasadany asīti
- 29
कृष्णाजिनम् अस्याम् आस्तृणाति वरुणस्य ऋतसदनम् असीति
kṛṣṇājinam asyām āstṛṇāti varuṇasya ṛtasadanam asīti
- 30
तस्मिन्त्सोमं निदधाति वरुणस्य ऋतसदनम् आसीदेति
tasmintsomaṃ nidadhāti varuṇasya ṛtasadanam āsīdeti

