28 shlokas
- 1
उपरवदेशे प्रतिप्रस्थाता रोहिते चर्मण्य् आनडुहे सोमं निवपति
uparavadeśe pratiprasthātā rohite carmaṇy ānaḍuhe somaṃ nivapati
- 2
विक्रय्य् एनं विचिनोति
vikrayy enaṃ vicinoti
- 3
कौत्सः
kautsaḥ
- 4
शूद्रो वा
śūdro vā
- 5
ब्राह्मण उपास्ते
brāhmaṇa upāste
- 6
उदकुम्भश्च पुरस्तात्
udakumbhaśca purastāt
- 7
शालाद्वाराण्य् अपिधाय ध्रौवं जुह्वां चतुर्विगृह्णाति
śālādvārāṇy apidhāya dhrauvaṃ juhvāṃ caturvigṛhṇāti
- 8
बर्हिस्तृणेन हिरण्यं बद्ध्वावदधात्य् एषा त इति
barhistṛṇena hiraṇyaṃ baddhvāvadadhāty eṣā ta iti
- 9
जूर् असीति जुहोति
jūr asīti juhoti
- 10
शुक्रम् असीति हिरण्यम् उद्धृत्य वेद्यां तृणं निदधाति
śukram asīti hiraṇyam uddhṛtya vedyāṃ tṛṇaṃ nidadhāti
- 11
सूत्रबद्धं हिरण्यं कुरुते
sūtrabaddhaṃ hiraṇyaṃ kurute
- 12
चतुर्गृहीतं गृहीत्वान्वारभस्व यजमानेत्य् आह
caturgṛhītaṃ gṛhītvānvārabhasva yajamānety āha
- 13
अपावृतद्वारे निष्क्रामतः
apāvṛtadvāre niṣkrāmataḥ
- 14
दक्षिणेन द्वारं सोमक्रयणी तिष्ठत्य् अलक्षिताव्यङ्गाप्रवीतारज्जुबद्धा बभ्रुः पिङ्गला पिङ्गलाभावे ऽरुणारुणाभावे रोहिण्य् अश्येताक्षी
dakṣiṇena dvāraṃ somakrayaṇī tiṣṭhaty alakṣitāvyaṅgāpravītārajjubaddhā babhruḥ piṅgalā piṅgalābhāve 'ruṇāruṇābhāve rohiṇy aśyetākṣī
- 15
चिद् असीत्य् एनाम् अभिमन्त्रयते
cid asīty enām abhimantrayate
- 16
उदीचीं नीयमानाम् अनुगच्छतो वस्व्य् असीति
udīcīṃ nīyamānām anugacchato vasvy asīti
- 17
षट्पदान्य् अतीत्य सप्तमं पर्युपविशन्ति
ṣaṭpadāny atītya saptamaṃ paryupaviśanti
- 18
हिरण्यम् अस्मिन्निधायाभिजुहोत्य् अदित्यास्त्वेति
hiraṇyam asminnidhāyābhijuhoty adityāstveti
- 19
स्फ्येन पदं त्रिः परिलिखत्य् अस्मे रमस्वेति
sphyena padaṃ triḥ parilikhaty asme ramasveti
- 20
समुद्धृत्य पदं स्थाल्याम् आवपत्य् अस्मे ते बन्धुर् इति
samuddhṛtya padaṃ sthālyām āvapaty asme te bandhur iti
- 21
अप स्थाने निषिच्य यजमानाय पदं प्रयच्छति त्वे राय इति
apa sthāne niṣicya yajamānāya padaṃ prayacchati tve rāya iti
- 22
मे राय इति यजमानः प्रतिगृह्णाति
me rāya iti yajamānaḥ pratigṛhṇāti
- 23
मा वयम् इत्य् अध्वर्युर् आत्मानं संस्पृशति
mā vayam ity adhvaryur ātmānaṃ saṃspṛśati
- 24
हृत्वा पत्न्यै पदं प्रयच्छति
hṛtvā patnyai padaṃ prayacchati
- 25
नेष्टा तोत इत्य् एनां वाचयति
neṣṭā tota ity enāṃ vācayati
- 26
सोमक्रयण्या च समीक्ष्यमाणां समख्य इति
somakrayaṇyā ca samīkṣyamāṇāṃ samakhya iti
- 27
प्रक्षाल्य पाणी हिरण्यं बध्नीते ऽनामिकायाम्
prakṣālya pāṇī hiraṇyaṃ badhnīte 'nāmikāyām
- 28
आप्यायनाभिषवांश्वदाभ्येषु च
āpyāyanābhiṣavāṃśvadābhyeṣu ca

