Hitopadesha · Book 2 2.80
2.80पिङ्गलको ऽवदद्भद्र दमनक किम् एतत्
त्वम् अस्मदीयप्रधानामात्यपुत्र इयन्तं कालं यावत्कुतो ऽपि खलवाक्यान्नागतो ऽसि
इदानीं यथाभिमतं ब्रूहि
दमनको ब्रूते देव पृच्छामि किंचित्
उच्यताम्
उदकार्थी स्वामी पानीयम् अपीत्वा किम् इति विस्मित इव तिष्ठति
पिङ्गलको ऽवदद्भद्रम् उक्तं त्वया
किंत्व् एतद्रहस्यं वक्तुं काचिद्विश्वासभूमिर्नास्ति
तथापि निभृतं कृत्वा कथयामि
शृणु
सम्प्रति वनम् इदम् अपूर्वसत्त्वाधिष्ठितम् अतो ऽस्माकं त्याज्यम्
अनेन हेतुना विस्मितो ऽस्मि
तथा च श्रुतो मयापि महान् अपूर्वशब्दः
शब्दानुरूपेणास्य प्राणिनो महता बलेन भवितव्यम्
दमनको ब्रूते देव अस्ति तावद् अयं महान्भयहेतुः
स शब्दो ऽस्माभिर् अप्य् आकर्णितः
किंतु स किं मन्त्री यः प्रथमं भूमित्यागं पश्चाद्युद्धं चोपविशति अस्मिन्कार्यसंदेहे भृत्यानाम् उपयोग एव ज्ञातव्यः
यतः
बन्धुस्त्रीभृत्यवर्गस्य बुद्धेः सत्त्वस्य चात्मनः
आपन्निकषपाषाणे नरो जानाति सारताम्
Transliteration
piṅgalako 'vadadbhadra damanaka kim etat
tvam asmadīyapradhānāmātyaputra iyantaṃ kālaṃ yāvatkuto 'pi khalavākyānnāgato 'si
idānīṃ yathābhimataṃ brūhi
damanako brūte deva pṛcchāmi kiṃcit
ucyatām
udakārthī svāmī pānīyam apītvā kim iti vismita iva tiṣṭhati
piṅgalako 'vadadbhadram uktaṃ tvayā
kiṃtv etadrahasyaṃ vaktuṃ kācidviśvāsabhūmirnāsti
tathāpi nibhṛtaṃ kṛtvā kathayāmi
śṛṇu
samprati vanam idam apūrvasattvādhiṣṭhitam ato 'smākaṃ tyājyam
anena hetunā vismito 'smi
tathā ca śruto mayāpi mahān apūrvaśabdaḥ
śabdānurūpeṇāsya prāṇino mahatā balena bhavitavyam
damanako brūte deva asti tāvad ayaṃ mahānbhayahetuḥ
sa śabdo 'smābhir apy ākarṇitaḥ
kiṃtu sa kiṃ mantrī yaḥ prathamaṃ bhūmityāgaṃ paścādyuddhaṃ copaviśati asminkāryasaṃdehe bhṛtyānām upayoga eva jñātavyaḥ
yataḥ
bandhustrībhṛtyavargasya buddheḥ sattvasya cātmanaḥ
āpannikaṣapāṣāṇe naro jānāti sāratām
By System Admin
Translation
Draft in progress