Hitopadesha · Book 2 2.121
2.121करटकः पृच्छति कथम् एतत्
दमनकः कथयति
कस्मिंश्चित्तरौ वायसदम्पती निवसतः
तयोश्चापत्यानि तत्कोटरावस्थितेन कृष्णसर्पेण खादितानि
ततः पुनर्गर्भवती वायसी वायसम् आह नाथ त्यज्यताम् अयं वृक्षः
अत्रावस्थितकृष्णसर्पेणावयोः सन्ततिः सततं भक्ष्यते
यतः
दुष्टा भार्या शठं मित्रं भृत्यश्चोत्तरदायकः
ससर्पे च गृहे वासो मृत्युर् एव न संशयः
Transliteration
karaṭakaḥ pṛcchati katham etat
damanakaḥ kathayati
kasmiṃścittarau vāyasadampatī nivasataḥ
tayoścāpatyāni tatkoṭarāvasthitena kṛṣṇasarpeṇa khāditāni
tataḥ punargarbhavatī vāyasī vāyasam āha nātha tyajyatām ayaṃ vṛkṣaḥ
atrāvasthitakṛṣṇasarpeṇāvayoḥ santatiḥ satataṃ bhakṣyate
yataḥ
duṣṭā bhāryā śaṭhaṃ mitraṃ bhṛtyaścottaradāyakaḥ
sasarpe ca gṛhe vāso mṛtyur eva na saṃśayaḥ
By System Admin
Translation
Draft in progress