51 shlokas
- 1
अथ यत्प्रायणीयम् अतिरात्रम् उपयन्त्य् अहोरात्राव् एव तद्देवौ देवते यजन्ते
atha yatprāyaṇīyam atirātram upayanty ahorātrāv eva taddevau devate yajante
- 2
अहोरात्रौ देवौ देवते भवन्ति
ahorātrau devau devate bhavanti
- 3
अहोरात्रयोर्देवयोः सायुज्यं सलोकतां यन्ति य एतद् उपयन्ति
ahorātrayordevayoḥ sāyujyaṃ salokatāṃ yanti ya etad upayanti
- 4
अथ यच्चतुर्विंशम् अहर् उपयन्त्य् अर्धमासान् एव तद्देवान्देवता यजन्ते
atha yaccaturviṃśam ahar upayanty ardhamāsān eva taddevāndevatā yajante
- 5
अर्धमासा देवा देवता भवन्ति
ardhamāsā devā devatā bhavanti
- 6
अर्धमासानां देवानां सायुज्यं सलोकतां यन्ति य एतद् उपयन्ति
ardhamāsānāṃ devānāṃ sāyujyaṃ salokatāṃ yanti ya etad upayanti
- 7
अथ यद् अभिप्लवम् उपयन्ति ब्रह्माणम् एव तद्देवं देवतां यजन्ते
atha yad abhiplavam upayanti brahmāṇam eva taddevaṃ devatāṃ yajante
- 8
ब्रह्मा देवो देवता भवन्ति
brahmā devo devatā bhavanti
- 9
ब्रह्मणो देवस्य सायुज्यं सलोकतां यन्ति य एतद् उपयन्ति
brahmaṇo devasya sāyujyaṃ salokatāṃ yanti ya etad upayanti
- 10
अथ यत्पृष्ठ्यम् उपयन्ति क्षत्रम् एव तद्देवं देवतां यजन्ते
atha yatpṛṣṭhyam upayanti kṣatram eva taddevaṃ devatāṃ yajante
- 11
क्षत्रं देवो देवता भवन्ति
kṣatraṃ devo devatā bhavanti
- 12
क्षत्रस्य देवस्य सायुज्यं सलोकतां यन्ति य एतद् उपयन्ति
kṣatrasya devasya sāyujyaṃ salokatāṃ yanti ya etad upayanti
- 13
अथ यद् अभिजितम् उपयन्त्य् अग्निम् एव तद्देवं देवतां यजन्ते
atha yad abhijitam upayanty agnim eva taddevaṃ devatāṃ yajante
- 14
अग्निर्देवो देवता भवन्ति
agnirdevo devatā bhavanti
- 15
अग्नेर्देवस्य सायुज्यं सलोकतां यन्ति य एतद् उपयन्ति
agnerdevasya sāyujyaṃ salokatāṃ yanti ya etad upayanti
- 16
अथ यत्स्वरसाम्न उपयन्त्य् एव तद्देवीर्देवता यजन्ते
atha yatsvarasāmna upayanty eva taddevīrdevatā yajante
- 17
आपो देव्यो देवता भवन्ति
āpo devyo devatā bhavanti
- 18
अपां देवीनां सायुज्यं सलोकतां यन्ति य एतद् उपयन्ति
apāṃ devīnāṃ sāyujyaṃ salokatāṃ yanti ya etad upayanti
- 19
अथ यद्विषुवन्तम् उपयन्ति सूर्यम् एव तद्देवं देवतां यजन्ते
atha yadviṣuvantam upayanti sūryam eva taddevaṃ devatāṃ yajante
- 20
सूर्यो देवो देवता भवन्ति
sūryo devo devatā bhavanti
- 21
सूर्यस्य देवस्य सायुज्यं सलोकतां यन्ति य एतद् उपयन्ति
sūryasya devasya sāyujyaṃ salokatāṃ yanti ya etad upayanti
- 22
उक्ता आवृत्ताः स्वरसामानः
uktā āvṛttāḥ svarasāmānaḥ
- 23
अथ यद्विश्वजितम् उपयन्तीन्द्रम् एव तद्देवं देवतां यजन्ते
atha yadviśvajitam upayantīndram eva taddevaṃ devatāṃ yajante
- 24
इन्द्रो देवो देवता भवन्ति
indro devo devatā bhavanti
- 25
इन्द्रस्य देवस्य सायुज्यं सलोकतां यन्ति य एतद् उपयन्ति
indrasya devasya sāyujyaṃ salokatāṃ yanti ya etad upayanti
- 26
उक्तौ पृष्ठ्याभिप्लवौ
uktau pṛṣṭhyābhiplavau
- 27
अथ यद्गवायुषी उपयन्ति मित्रावरुणाव् एव तद्देवौ देवते यजन्ते
atha yadgavāyuṣī upayanti mitrāvaruṇāv eva taddevau devate yajante
- 28
मित्रावरुणौ देवौ देवते भवन्ति
mitrāvaruṇau devau devate bhavanti
- 29
मित्रावरुणयोर्देवयोः सायुज्यं सलोकतां यन्ति य एतद् उपयन्ति
mitrāvaruṇayordevayoḥ sāyujyaṃ salokatāṃ yanti ya etad upayanti
- 30
अथ यद्दशरात्रम् उपयन्ति विश्वान् एव तद्देवान्देवता यजन्ते
atha yaddaśarātram upayanti viśvān eva taddevāndevatā yajante

