37 shlokas
- 1
अथातः कृच्छ्रान्व्याख्यास्यामः
athātaḥ kṛcchrānvyākhyāsyāmaḥ
- 2
हविष्यान्प्रातराशान्भुक्त्वा तिस्रो रात्रीर्नाश्नीयात्
haviṣyānprātarāśānbhuktvā tisro rātrīrnāśnīyāt
- 3
अथापरं त्र्यहं नक्तं भुञ्जीत
athāparaṃ tryahaṃ naktaṃ bhuñjīta
- 4
अथापरं त्र्यहं न कंचन याचेत
athāparaṃ tryahaṃ na kaṃcana yāceta
- 5
अथापरं त्र्यहम् उपवसेत्
athāparaṃ tryaham upavaset
- 6
तिष्ठेद् अहनि रात्रावासीत क्षिप्रकामः
tiṣṭhed ahani rātrāvāsīta kṣiprakāmaḥ
- 7
सत्यं वदेत्
satyaṃ vadet
- 8
अनार्यैर्न सम्भाषेत
anāryairna sambhāṣeta
- 9
रौरवयौधाजपे नित्यं प्रयुञ्जीत
rauravayaudhājape nityaṃ prayuñjīta
- 10
अनुसवनम् उदकोपस्पर्शनम् आपो हि ष्ठेति तिसृभिः पवित्रवतीभिर्मार्जयीत हिरण्यवर्णाः शुचयः पावका इत्यष्टाभिः
anusavanam udakopasparśanam āpo hi ṣṭheti tisṛbhiḥ pavitravatībhirmārjayīta hiraṇyavarṇāḥ śucayaḥ pāvakā ityaṣṭābhiḥ
- 11
अथोदकतर्पणम्
athodakatarpaṇam
- 12
नमो ऽहमाय मोहमाय मंहमाय धन्वते तापसाय पुनर्वसवे नमः
namo 'hamāya mohamāya maṃhamāya dhanvate tāpasāya punarvasave namaḥ
- 13
नमो मौञ्ज्यायोर्व्याय वसुविन्दाय सार्वविन्दाय नमः
namo mauñjyāyorvyāya vasuvindāya sārvavindāya namaḥ
- 14
नमः पाराय सुपाराय महापाराय वारयिष्णवे नमः
namaḥ pārāya supārāya mahāpārāya vārayiṣṇave namaḥ
- 15
नमो रुद्राय पशुपतये महते देवाय त्र्यम्बकायैकचरायाधिपतये हराय शर्वायेशानायोग्राय वज्रिणे घृणिने कपर्दिने नमः
namo rudrāya paśupataye mahate devāya tryambakāyaikacarāyādhipataye harāya śarvāyeśānāyogrāya vajriṇe ghṛṇine kapardine namaḥ
- 16
नमः सूर्यायादित्याय नमः
namaḥ sūryāyādityāya namaḥ
- 17
नमो नीलग्रीवाय शितिकण्ठाय नमः
namo nīlagrīvāya śitikaṇṭhāya namaḥ
- 18
नमः कृष्णाय पिङ्गलाय नमः
namaḥ kṛṣṇāya piṅgalāya namaḥ
- 19
नमो ज्येष्ठाय वृद्धायेन्द्राय हरिकेशायोर्ध्वरेतसे नमः
namo jyeṣṭhāya vṛddhāyendrāya harikeśāyordhvaretase namaḥ
- 20
नमः सत्याय पावकाय पावकवर्णाय कामाय कामरूपिणे नमः
namaḥ satyāya pāvakāya pāvakavarṇāya kāmāya kāmarūpiṇe namaḥ
- 21
नमो दीप्ताय दीप्तरूपिणे नमः
namo dīptāya dīptarūpiṇe namaḥ
- 22
नमस्तीक्ष्णाय तीक्ष्णरूपिणे नमः
namastīkṣṇāya tīkṣṇarūpiṇe namaḥ
- 23
नमः सोभ्याय सुपुरुषाय महापुरुषाय मध्यमपुरुषायोत्तमपुरुषाय ब्रह्मचारिणे नमः
namaḥ sobhyāya supuruṣāya mahāpuruṣāya madhyamapuruṣāyottamapuruṣāya brahmacāriṇe namaḥ
- 24
नमश्चन्द्रललाटाय कृत्तिवाससे नमः
namaścandralalāṭāya kṛttivāsase namaḥ
- 25
एतद् एवादित्योपस्थानम्
etad evādityopasthānam
- 26
एता एवाज्याहुतयः
etā evājyāhutayaḥ
- 27
द्वादशरात्रस्यान्ते चरुं श्रपयित्वा एताभ्यो देवताभ्यो जुहुयात्
dvādaśarātrasyānte caruṃ śrapayitvā etābhyo devatābhyo juhuyāt
- 28
अग्नये स्वाहा सोमाय स्वाहाग्निषोमाभ्याम् इन्द्राग्निभ्याम् इन्द्राय विश्वेभ्यो देवेभ्यो ब्रह्मणे प्रजापतये ऽग्नये स्विष्टकृत इति
agnaye svāhā somāya svāhāgniṣomābhyām indrāgnibhyām indrāya viśvebhyo devebhyo brahmaṇe prajāpataye 'gnaye sviṣṭakṛta iti
- 29
ततो ब्राह्मणतर्पणम्
tato brāhmaṇatarpaṇam
- 30
एतेनैवातिकृच्छ्रो व्याख्यातः
etenaivātikṛcchro vyākhyātaḥ

