11 shlokas
- 1
तद् आहुः कतिधावकीर्णी प्रविशतीति
tad āhuḥ katidhāvakīrṇī praviśatīti
- 2
मरुतः प्राणेनेन्द्रे बलेन बृहस्पतिं ब्रह्मवर्चसेनाग्निम् एवेतरेण सर्वेणेति
marutaḥ prāṇenendre balena bṛhaspatiṃ brahmavarcasenāgnim evetareṇa sarveṇeti
- 3
सो ऽमावास्यायां निश्यग्निम् उपसमाधाय प्रायश्चित्ताज्याहुतीर्जुहोति
so 'māvāsyāyāṃ niśyagnim upasamādhāya prāyaścittājyāhutīrjuhoti
- 4
कामावकीर्णो ऽस्म्यवकीर्णो ऽस्मि कामकामाय स्वाहा
kāmāvakīrṇo 'smyavakīrṇo 'smi kāmakāmāya svāhā
- 5
कामाभिदुग्धो ऽस्मि अभिदुग्धो ऽस्मि कामकामाय स्वाहेति समिधम् आधाय अनुपर्युक्ष्य यज्ञवास्तु कृत्वोपोत्थाय समासिञ्चतु इत्येतया त्रिर् उपतिष्ठेत
kāmābhidugdho 'smi abhidugdho 'smi kāmakāmāya svāheti samidham ādhāya anuparyukṣya yajñavāstu kṛtvopotthāya samāsiñcatu ityetayā trir upatiṣṭheta
- 6
त्रय इमे लोका एषां लोकानाम् अभिजित्या अभिक्रान्त्येति
traya ime lokā eṣāṃ lokānām abhijityā abhikrāntyeti
- 7
एतद् एवैकेषाम्कर्माधिकृत्य यो ऽप्रयत इव स्यात्स इत्थं जुहुयाद् इत्थम् अनुमन्त्रयेत वरो दक्षिणेति प्रायश्चित्तमविशेषात्
etad evaikeṣāmkarmādhikṛtya yo 'prayata iva syātsa itthaṃ juhuyād ittham anumantrayeta varo dakṣiṇeti prāyaścittamaviśeṣāt
- 8
अनार्जवपैशुनप्रतिषिद्धाचारान् आद्यप्राशनेषु शूद्रायां च रेतः सिक्त्वा अयोनौ च दोषवति च कर्मण्य् अपि संधिपूर्वे ऽब्लिङ्गाभिर् अप उपस्पृशेद्वारुणीभिर् अन्यैर्वा पवित्रैः
anārjavapaiśunapratiṣiddhācārān ādyaprāśaneṣu śūdrāyāṃ ca retaḥ siktvā ayonau ca doṣavati ca karmaṇy api saṃdhipūrve 'bliṅgābhir apa upaspṛśedvāruṇībhir anyairvā pavitraiḥ
- 9
प्रतिषिद्धवाङ्मनसापचारे व्याहृतयः पञ्चसत्यान्ताः
pratiṣiddhavāṅmanasāpacāre vyāhṛtayaḥ pañcasatyāntāḥ
- 10
सर्वास्व् अपो वाचामेद् अहश्च मादित्याश्च पुनात्विति प्राता रात्रिश्च मा वरुणश्च पुनात्विति सायम्
sarvāsv apo vācāmed ahaśca mādityāśca punātviti prātā rātriśca mā varuṇaśca punātviti sāyam
- 11
अष्टो वा समिध आदध्याद्देवकृतस्येति हुत्वैव सर्वस्माद् एनसो मुच्यते
aṣṭo vā samidha ādadhyāddevakṛtasyeti hutvaiva sarvasmād enaso mucyate

