20 shlokas
- 1
सवनीयवपायां हुतायाम्
savanīyavapāyāṃ hutāyām
- 2
पुरोडाशेन चरिष्यत्सु तूष्णीम् उपविशेत्
puroḍāśena cariṣyatsu tūṣṇīm upaviśet
- 3
दीक्षितश्चेत्सर्वा इडा अन्वारभेत
dīkṣitaścetsarvā iḍā anvārabheta
- 4
वसतीवरीषु परिह्रियमाणासु दक्षिणोत्क्रम्य तिष्ठेद् अदीक्षितश्चेद् आ तासां परिहरणात्
vasatīvarīṣu parihriyamāṇāsu dakṣiṇotkramya tiṣṭhed adīkṣitaśced ā tāsāṃ pariharaṇāt
- 5
आग्नीध्रीयं राजानं ह्रियमाणम् अनुगच्छेत्
āgnīdhrīyaṃ rājānaṃ hriyamāṇam anugacchet
- 6
दीक्षितश्चेत्तत्रैव संविशेत्
dīkṣitaścettatraiva saṃviśet
- 7
अपररात्र आज्यानि ग्रहीष्यतः पूर्वेण गत्वाग्निं च पश्चिमेन वा यजुषोपविशेत्
apararātra ājyāni grahīṣyataḥ pūrveṇa gatvāgniṃ ca paścimena vā yajuṣopaviśet
- 8
आत्तेषु प्राङ् उत्क्रम्य प्रसव्यं परीत्यानुगच्छेत्पूर्वेण चेद्गतः स्यात्
ātteṣu prāṅ utkramya prasavyaṃ parītyānugacchetpūrveṇa cedgataḥ syāt
- 9
पश्चिमेन चेद्यथेतम् अग्निं परीत्यानुगच्छेत्
paścimena cedyathetam agniṃ parītyānugacchet
- 10
प्रवेशितेषूपविशेत्
praveśiteṣūpaviśet
- 11
आज्येष्वेव ग्रहीष्यमाणेष्वत्रोपविशेद् इति शाण्डिल्यः
ājyeṣveva grahīṣyamāṇeṣvatropaviśed iti śāṇḍilyaḥ
- 12
अध्वर्युणोक्तो वाचं यच्छेद् आ तृतीयं प्रातरनुवाकस्य
adhvaryuṇokto vācaṃ yacched ā tṛtīyaṃ prātaranuvākasya
- 13
आ वा परिधानीयायाः
ā vā paridhānīyāyāḥ
- 14
आ वोपांश्वन्तर्यामयोर्होमात्
ā vopāṃśvantaryāmayorhomāt
- 15
आ वा बहिष्पवमानात्
ā vā bahiṣpavamānāt
- 16
हविर्धानं चेत्पूर्वेण गतः स्याद् उपांश्वन्तर्यामौ होष्यत्सूदङ्ङतिक्रम्य तिष्ठेत्
havirdhānaṃ cetpūrveṇa gataḥ syād upāṃśvantaryāmau hoṣyatsūdaṅṅatikramya tiṣṭhet
- 17
अदीक्षितश्चेदा तयोर्होमात्
adīkṣitaścedā tayorhomāt
- 18
निःसर्पत्स्वन्वारभेत
niḥsarpatsvanvārabheta
- 19
तस्य प्रस्तोत्रा समानं कर्म प्रागुपवेशनात्
tasya prastotrā samānaṃ karma prāgupaveśanāt
- 20
आस्तावं प्राप्यानासन्नो यजुषोपविशेत्प्रस्तोतारं प्रति
āstāvaṃ prāpyānāsanno yajuṣopaviśetprastotāraṃ prati

