7 shlokas
- 1
यत्रैनम् आमन्त्रयते ब्रह्मन्स्तोष्यामः प्रशास्तर् इति तत्प्रसौति हिं देव सवितर् एतत्ते प्राह तत्प्र च सुव प्र च यज बृहस्पतिर्ब्रह्मायुष्मत्या ऋचो मा गात तनूपात्साम्नः सत्या व आशिषः सन्तु सत्या आकूतय ऋतं च सत्यं च वदत स्तुत देवस्य सवितुः प्रसवे
रश्मिर् असि क्षयाय त्वा क्षयं जिन्वों स्तुतेति
yatrainam āmantrayate brahmanstoṣyāmaḥ praśāstar iti tatprasauti hiṃ deva savitar etatte prāha tatpra ca suva pra ca yaja bṛhaspatirbrahmāyuṣmatyā ṛco mā gāta tanūpātsāmnaḥ satyā va āśiṣaḥ santu satyā ākūtaya ṛtaṃ ca satyaṃ ca vadata stuta devasya savituḥ prasave
raśmir asi kṣayāya tvā kṣayaṃ jinvoṃ stuteti
- 2
एवम् एव स्तोत्रे स्तोत्रे प्रसौति
evam eva stotre stotre prasauti
- 3
एवं स्तोमभागानाम् उत्तरम् उत्तरं दधाति
evaṃ stomabhāgānām uttaram uttaraṃ dadhāti
- 4
द्वादशाग्निष्टोमे
त्रयोदशात्यग्निष्टोमे
पञ्चदशोक्थ्ये
षोडश षोडशिनि
सप्तदश वाजपेये
एकान्नत्रिंशतम् अतिरात्रे
त्रयस्त्रिंशतम् अप्तोर्याम इति विज्ञायते
dvādaśāgniṣṭome
trayodaśātyagniṣṭome
pañcadaśokthye
ṣoḍaśa ṣoḍaśini
saptadaśa vājapeye
ekānnatriṃśatam atirātre
trayastriṃśatam aptoryāma iti vijñāyate
- 5
स्तुते बहिष्पवमाने ऽपरेणोत्तरवेदिम् अतिक्रम्य दक्षिणत उपविशति
सो ऽत्रैवास्त आ सवनीयस्य वपाया होमात्
stute bahiṣpavamāne 'pareṇottaravedim atikramya dakṣiṇata upaviśati
so 'traivāsta ā savanīyasya vapāyā homāt
- 6
हुतायां वपायां यत्र मार्जयन्ते तन्मार्जयते
hutāyāṃ vapāyāṃ yatra mārjayante tanmārjayate
- 7
यत्र प्रातःसवनाय सम्प्रसर्पन्ति तद्दक्षिणेन हविर्धाने दक्षिणेन मार्जालीयं दक्षिणेन सदः परीत्यापरया द्वारा सदः प्रविश्यापरेण प्रशास्त्रीयम् अतिक्रम्य दक्षिणत उपविशेद् इत्य् आश्मरथ्यः
अपरेणोत्तरवेदिम् अतिक्रम्योत्तरेण हविर्धाने दक्षिणेन मार्जालीयं परीत्य पूर्वया द्वारा सदः प्रविश्याग्रेण प्रशास्त्रीयम् अतिक्रम्य दक्षिणत उपविशेद् इत्य् आलेखनः
yatra prātaḥsavanāya samprasarpanti taddakṣiṇena havirdhāne dakṣiṇena mārjālīyaṃ dakṣiṇena sadaḥ parītyāparayā dvārā sadaḥ praviśyāpareṇa praśāstrīyam atikramya dakṣiṇata upaviśed ity āśmarathyaḥ
apareṇottaravedim atikramyottareṇa havirdhāne dakṣiṇena mārjālīyaṃ parītya pūrvayā dvārā sadaḥ praviśyāgreṇa praśāstrīyam atikramya dakṣiṇata upaviśed ity ālekhanaḥ

