8 shlokas
- 1
सोमे वासिष्ठो ब्रह्मा भवति
some vāsiṣṭho brahmā bhavati
- 2
अप्य् अवासिष्ठं कुर्वीत यः कश्च स्तोमभागान्विद्याद् इति विज्ञायते
apy avāsiṣṭhaṃ kurvīta yaḥ kaśca stomabhāgānvidyād iti vijñāyate
- 3
राज्ञो मीयमानस्य क्रीयमाणस्येति दक्षिणत आस्ते
rājño mīyamānasya krīyamāṇasyeti dakṣiṇata āste
- 4
ओह्यमानस्य दक्षिणत एति
ohyamānasya dakṣiṇata eti
- 5
महावेद्या उत्तरवेद्या इति क्रियमाणाया दक्षिणत आस्ते
mahāvedyā uttaravedyā iti kriyamāṇāyā dakṣiṇata āste
- 6
यत्र सदोहविर्धानानि संमास्यन्तो भवन्ति तद् अन्तरेण चात्वालोत्कराव् अन्ववेत्योत्तरं वेद्यन्तम् अनुपरीत्य पूर्वया द्वारा प्राग्वंशं प्रविश्यापरेणाहवनीयम् अतिक्रम्य पूर्वया द्वारोपनिष्क्रम्य दक्षिणं वेद्यन्तम् अनुपरीत्य दक्षिणेनोत्तरवेदिम् उपविशेद् इत्य् आश्मरथ्यः
अन्तरेण चात्वालोत्कराव् अन्ववेत्यापरेणोत्तरवेदिम् अतिक्रम्य दक्षिणत उपविशेद् इत्य् आलेखनः
yatra sadohavirdhānāni saṃmāsyanto bhavanti tad antareṇa cātvālotkarāv anvavetyottaraṃ vedyantam anuparītya pūrvayā dvārā prāgvaṃśaṃ praviśyāpareṇāhavanīyam atikramya pūrvayā dvāropaniṣkramya dakṣiṇaṃ vedyantam anuparītya dakṣiṇenottaravedim upaviśed ity āśmarathyaḥ
antareṇa cātvālotkarāv anvavetyāpareṇottaravedim atikramya dakṣiṇata upaviśed ity ālekhanaḥ
- 7
सोऽत्रैवास्त आ वैसर्जनानां होमात्
so'traivāsta ā vaisarjanānāṃ homāt
- 8
यत्र वैसर्जनानि होष्यन्तो भवन्ति दक्षिणेन हविर्धाने दक्षिणेन मार्जालीयं दक्षिणेन सदः परीत्य पूर्वया द्वारा प्राग्वंशं प्रविश्याग्रेण शालामुखीयम् अतिक्रम्य दक्षिणत उपविशेद् इत्य् आश्मरथ्यः
अपरेणोत्तरवेदिम् अतिक्रम्योत्तरेण हविर्धाने उत्तरेणाग्नीध्रीयम् उत्तरेण सदः परीत्य पूर्वया द्वारा प्राग्वंशं प्रविश्यापरेण शालामुखीयम् अतिक्रम्य दक्षिणत उपविशेद् इत्य् आलेखनः
yatra vaisarjanāni hoṣyanto bhavanti dakṣiṇena havirdhāne dakṣiṇena mārjālīyaṃ dakṣiṇena sadaḥ parītya pūrvayā dvārā prāgvaṃśaṃ praviśyāgreṇa śālāmukhīyam atikramya dakṣiṇata upaviśed ity āśmarathyaḥ
apareṇottaravedim atikramyottareṇa havirdhāne uttareṇāgnīdhrīyam uttareṇa sadaḥ parītya pūrvayā dvārā prāgvaṃśaṃ praviśyāpareṇa śālāmukhīyam atikramya dakṣiṇata upaviśed ity ālekhanaḥ

