37 shlokas
- 1
अथ संप्रैषम् आह अग्नीत्पशुपुरोडाशं निर्वप प्रतिप्रस्थातः पशुं विशाधीति
atha saṃpraiṣam āha agnītpaśupuroḍāśaṃ nirvapa pratiprasthātaḥ paśuṃ viśādhīti
- 2
निर्वपत्य् एष आग्नीध्र ऐन्द्राग्नम् एकादशकपालम्
nirvapaty eṣa āgnīdhra aindrāgnam ekādaśakapālam
- 3
अथ प्रतिप्रस्थाता पशुं विशास्ति शमितर्हृदयं जिह्वां वक्षस्तानि सार्धं कुरुतात्तनिम मतस्नौ तानि सार्धं सव्यं दोर् एकचरं कुरुतात्नाना पार्श्वे अवधत्तात्दक्षिणां श्रोणिम् अध्युद्धिं कुरुतात्दक्षिणं दोः सव्यां श्रोणिम् अणिमद्गुदस्य तानि त्र्यङ्गानि कुरुतात्वनिष्ठुं च जाघनीं चावधत्तात्बहु यूः कुरुतात्त्रिः पशुं प्रच्यावयतात्त्रिः प्रच्युतस्य पशोर्हृदयम् उत्तमं कुरुतात् इति
atha pratiprasthātā paśuṃ viśāsti śamitarhṛdayaṃ jihvāṃ vakṣastāni sārdhaṃ kurutāttanima matasnau tāni sārdhaṃ savyaṃ dor ekacaraṃ kurutātnānā pārśve avadhattātdakṣiṇāṃ śroṇim adhyuddhiṃ kurutātdakṣiṇaṃ doḥ savyāṃ śroṇim aṇimadgudasya tāni tryaṅgāni kurutātvaniṣṭhuṃ ca jāghanīṃ cāvadhattātbahu yūḥ kurutāttriḥ paśuṃ pracyāvayatāttriḥ pracyutasya paśorhṛdayam uttamaṃ kurutāt iti
- 4
शृते पशौ पशुपुरोडाशं याचति
śṛte paśau paśupuroḍāśaṃ yācati
- 5
तम् उपस्तीर्णाभिघारितम् उद्वास्यान्तर्वेद्य् आसादयति
tam upastīrṇābhighāritam udvāsyāntarvedy āsādayati
- 6
अथ जुहूपभृतोर् उपस्तृणान आह इन्द्राग्निभ्यां पुरोडाशस्यावदीयमानस्यानुब्रूहीति
atha juhūpabhṛtor upastṛṇāna āha indrāgnibhyāṃ puroḍāśasyāvadīyamānasyānubrūhīti
- 7
पूर्वार्धाद् अवदायापरार्धाद् अवद्यति
pūrvārdhād avadāyāparārdhād avadyati
- 8
अभिघारयति
abhighārayati
- 9
प्रत्यनक्ति
pratyanakti
- 10
अथोपभृति स्विष्टकृते सकृद् उत्तरार्धाद् अवद्यति
athopabhṛti sviṣṭakṛte sakṛd uttarārdhād avadyati
- 11
द्विर् अभिघारयति
dvir abhighārayati
- 12
न प्रत्यनक्ति
na pratyanakti
- 13
अत्याक्रम्याश्राव्याह इन्द्राग्निभ्यां पुरोडाशं प्रस्थितं प्रेष्य इति
atyākramyāśrāvyāha indrāgnibhyāṃ puroḍāśaṃ prasthitaṃ preṣya iti
- 14
वषट्कृते जुहोति
vaṣaṭkṛte juhoti
- 15
अथ समावपमान आह अग्नये ऽनुब्रूहीति
atha samāvapamāna āha agnaye 'nubrūhīti
- 16
आश्राव्याह अग्नये प्रेष्य इति
āśrāvyāha agnaye preṣya iti
- 17
वषट्कृत उत्तरार्धपूर्वार्धे ऽतिहाय पूर्वा आहुतीर्जुहोति
vaṣaṭkṛta uttarārdhapūrvārdhe 'tihāya pūrvā āhutīrjuhoti
- 18
अथोदङ्ङ् अत्याक्रम्य यथायतनं स्रुचौ सादयित्वा प्राशित्रम् अवदायेडाम् अवद्यति
athodaṅṅ atyākramya yathāyatanaṃ srucau sādayitvā prāśitram avadāyeḍām avadyati
- 19
उपहूतायाम् इडायाम् अग्नीध आदधाति षडवत्तम्
upahūtāyām iḍāyām agnīdha ādadhāti ṣaḍavattam
- 20
प्राश्नन्ति
prāśnanti
- 21
मार्जयन्ते
mārjayante
- 22
अथ संप्रैषम् आह अग्नीद् उत्तरबर्हिर् उपसादय प्रतिप्रस्थातः पशौ संवदस्व इति
atha saṃpraiṣam āha agnīd uttarabarhir upasādaya pratiprasthātaḥ paśau saṃvadasva iti
- 23
अथैष आग्नीध्रः प्लक्षशाखायाम् इडसूनम् उपगूहति
athaiṣa āgnīdhraḥ plakṣaśākhāyām iḍasūnam upagūhati
- 24
तद् उत्तरबर्हिर्भवति
tad uttarabarhirbhavati
- 25
अथ प्रतिप्रस्थाता पृषदाज्यं विहत्य जुह्वां समानीयान्तरेण चात्वालोत्कराव् उदङ्ङ् उपनिष्क्रम्य पृच्छति शृतं हवी३ः शमितर् इति
atha pratiprasthātā pṛṣadājyaṃ vihatya juhvāṃ samānīyāntareṇa cātvālotkarāv udaṅṅ upaniṣkramya pṛcchati śṛtaṃ havī3ḥ śamitar iti
- 26
शमितैष उत्तरतो हृदयशूलं धारयंस्तिष्ठति
śamitaiṣa uttarato hṛdayaśūlaṃ dhārayaṃstiṣṭhati
- 27
स शृतम् इति प्रत्याह
sa śṛtam iti pratyāha
- 28
तं तथैव द्वितीयम् उत्क्रम्य पृच्छति
taṃ tathaiva dvitīyam utkramya pṛcchati
- 29
तं तथैवेतरः प्रत्याह
taṃ tathaivetaraḥ pratyāha
- 30
तं तथैव तृतीयम् उत्क्रम्य पृच्छति
taṃ tathaiva tṛtīyam utkramya pṛcchati

