29 shlokas
- 1
वयं सोम व्रते तव मनस्तनूषु बिभ्रतः
प्रजावन्तो अशीमहीति
vayaṃ soma vrate tava manastanūṣu bibhrataḥ
prajāvanto aśīmahīti
- 2
अथ संप्रैषम् आहाग्नीद् औपयजान् अङ्गारान् आहर उपयष्टर् उपसीद ब्रह्मन्प्रस्थास्यामः समिधम् आधायाग्नीद् अग्नीन्सकृत्सकृत्संमृड्ढीति
atha saṃpraiṣam āhāgnīd aupayajān aṅgārān āhara upayaṣṭar upasīda brahmanprasthāsyāmaḥ samidham ādhāyāgnīd agnīnsakṛtsakṛtsaṃmṛḍḍhīti
- 3
आहरन्त्य् एताञ्छामित्राद् औपयजान् अङ्गारान्
āharanty etāñchāmitrād aupayajān aṅgārān
- 4
तान् अग्रेण होतारं निवपति
tān agreṇa hotāraṃ nivapati
- 5
उपसीदत्य् उपयष्टा गुदतृतीयेन
upasīdaty upayaṣṭā gudatṛtīyena
- 6
अथाध्वर्युः पृषदाज्यं विहत्य जुह्वां समानीयात्याक्रम्याश्राव्याह देवेभ्यः प्रेष्येति
athādhvaryuḥ pṛṣadājyaṃ vihatya juhvāṃ samānīyātyākramyāśrāvyāha devebhyaḥ preṣyeti
- 7
वषट्कृते जुहोति प्रेष्य प्रेष्येति
vaṣaṭkṛte juhoti preṣya preṣyeti
- 8
एवम् एवोपयष्टोपयजति गुदस्य प्रच्छेदं समुद्रं गच्छ स्वाहेत्य् एतैर् एकादशभिः
evam evopayaṣṭopayajati gudasya pracchedaṃ samudraṃ gaccha svāhety etair ekādaśabhiḥ
- 9
अग्निं वैश्वानरं गच्छ स्वाहेति सर्वम् अन्ततो ऽनुप्रहरति
agniṃ vaiśvānaraṃ gaccha svāheti sarvam antato 'nupraharati
- 10
अथ बर्हिषि हस्तौ निमार्ष्ट्य् अद्भ्यस्त्वौषधीभ्यो मनो मे हार्दि यच्छेति
atha barhiṣi hastau nimārṣṭy adbhyastvauṣadhībhyo mano me hārdi yaccheti
- 11
अथास्य धूमम् अन्वीक्षते तनूं त्वचं पुत्रं नप्तारम् अशीयेति
athāsya dhūmam anvīkṣate tanūṃ tvacaṃ putraṃ naptāram aśīyeti
- 12
एकादशानूयाजान् इष्ट्वोदङ्ङ् अत्याक्रम्य जुह्वां स्वरुम् अवधाय पुरस्तात्प्रत्यङ्तिष्ठञ्जुहोति दिवं ते धूमो गच्छतु अन्तरिक्षम् अर्चिः पृथिवीं भस्मना पृणस्व स्वाहेति
ekādaśānūyājān iṣṭvodaṅṅ atyākramya juhvāṃ svarum avadhāya purastātpratyaṅtiṣṭhañjuhoti divaṃ te dhūmo gacchatu antarikṣam arciḥ pṛthivīṃ bhasmanā pṛṇasva svāheti
- 13
अथ यथायतनं स्रुचौ सादयित्वा वाजवतीभ्यां स्रुचौ व्यूहति
atha yathāyatanaṃ srucau sādayitvā vājavatībhyāṃ srucau vyūhati
- 14
शंयुना प्रस्तरपरिधि संप्रकीर्य संप्रस्राव्य स्रुचौ विमुच्य जाघन्या पत्नीं संयाजयन्ति
śaṃyunā prastaraparidhi saṃprakīrya saṃprasrāvya srucau vimucya jāghanyā patnīṃ saṃyājayanti
- 15
आज्यस्यैव सोमं च त्वष्टारं च यजति
ājyasyaiva somaṃ ca tvaṣṭāraṃ ca yajati
- 16
उत्तानायै जाघन्यै देवानां पत्नीर्यजति
uttānāyai jāghanyai devānāṃ patnīryajati
- 17
नीच्या अग्निं गृहपतिम्
nīcyā agniṃ gṛhapatim
- 18
उत्तानायै जाघन्यै होत्र इडाम् अवद्यति
uttānāyai jāghanyai hotra iḍām avadyati
- 19
नीच्या अग्नीधे षडवत्तम्
nīcyā agnīdhe ṣaḍavattam
- 20
प्राश्नीतः
prāśnītaḥ
- 21
मार्जयेते
mārjayete
- 22
अथ स्रुचि चतुर्गृहीतं गृहीत्वापसलैः पर्यावृत्यान्वाहार्यपचने प्रायश्चित्तं हुत्वा न फलीकरणहोमेन चरति
atha sruci caturgṛhītaṃ gṛhītvāpasalaiḥ paryāvṛtyānvāhāryapacane prāyaścittaṃ hutvā na phalīkaraṇahomena carati
- 23
अथ प्राङ् एत्य ध्रुवाम् आप्याय्य त्रीणि समिष्टयजूंषि जुहोति यज्ञ यज्ञं गच्छ यज्ञपतिं गच्छ स्वां योनिं गच्छ स्वाहेति
atha prāṅ etya dhruvām āpyāyya trīṇi samiṣṭayajūṃṣi juhoti yajña yajñaṃ gaccha yajñapatiṃ gaccha svāṃ yoniṃ gaccha svāheti
- 24
स्रुवेणैव द्वितीयम् एष ते यज्ञो यज्ञपते सहसूक्तवाकः सुवीरः स्वाहेति
sruveṇaiva dvitīyam eṣa te yajño yajñapate sahasūktavākaḥ suvīraḥ svāheti
- 25
स्रुचा तृतीयम्देवा गातुविदो गातुं वित्त्वा गातुम् इत
मनसस्पत इमं नो देव देवेषु यज्ञं स्वाहा वाचि स्वाहा वाते धाः स्वाहेति
srucā tṛtīyamdevā gātuvido gātuṃ vittvā gātum ita
manasaspata imaṃ no deva deveṣu yajñaṃ svāhā vāci svāhā vāte dhāḥ svāheti
- 26
उदूहति स्रुचम्
udūhati srucam
- 27
अथ याचति स्फ्यम् उदपात्रं हृदयशूलम् इति
atha yācati sphyam udapātraṃ hṛdayaśūlam iti
- 28
एतत्समादायाहैहि यजमानेति
etatsamādāyāhaihi yajamāneti
- 29
अन्वग्यजमानो ऽनूची पत्न्य् अन्तरेण चात्वालोत्कराव् उदङ्ङ् उपनिष्क्रम्याग्रेण यूपं स्फ्येनोद्धत्यावोक्ष्य शुष्कस्य चार्द्रस्य च सन्धौ हृदयशूलम् उद्वासयति
anvagyajamāno 'nūcī patny antareṇa cātvālotkarāv udaṅṅ upaniṣkramyāgreṇa yūpaṃ sphyenoddhatyāvokṣya śuṣkasya cārdrasya ca sandhau hṛdayaśūlam udvāsayati

