17 shlokas
- 1
अथोपव्याहरणम्
athopavyāharaṇam
- 2
विज्ञायते क्रत्वादौ क्रतुकामं कामयीत यज्ञाङ्गादौ यज्ञाङ्गकामम् इति
vijñāyate kratvādau kratukāmaṃ kāmayīta yajñāṅgādau yajñāṅgakāmam iti
- 3
प्राक्तूलान्दर्भान्संस्तीर्य तेषु प्राङ्मुखो यजमान उपविश्य जपति याः पुरस्तात्प्रस्रवन्त्य् उपरिष्टात्सर्वतश्च याः आभी रश्मिपवित्राभिः श्रद्धां यज्ञम् आरभे देवा गातुविदो गातुं यज्ञाय विन्दत मनसस्पतिना देवेन वाताद्यज्ञः प्रयुज्यताम् इति श्रद्ध एहि सत्येन त्वाह्वयामीति
prāktūlāndarbhānsaṃstīrya teṣu prāṅmukho yajamāna upaviśya japati yāḥ purastātprasravanty upariṣṭātsarvataśca yāḥ ābhī raśmipavitrābhiḥ śraddhāṃ yajñam ārabhe devā gātuvido gātuṃ yajñāya vindata manasaspatinā devena vātādyajñaḥ prayujyatām iti śraddha ehi satyena tvāhvayāmīti
- 4
आकूत्या वेदनं करोत्य् आकूत्यै त्वा कामाय त्वा समृधे त्वा पुरो दधे अमृतत्वाय जीवसे
ākūtyā vedanaṃ karoty ākūtyai tvā kāmāya tvā samṛdhe tvā puro dadhe amṛtatvāya jīvase
- 5
आकूतिम् अस्यावसे कामम् अस्य समृद्ध्या इन्द्रस्य युञ्जते धियः
ākūtim asyāvase kāmam asya samṛddhyā indrasya yuñjate dhiyaḥ
- 6
आकूतिं देवीं मनसः पुरो दधे यज्ञस्य माता सुहवा मे अस्तु यद् इच्छामि मनसा सकामो विदेयम् एनद्धृदये निविष्टम् इति
ākūtiṃ devīṃ manasaḥ puro dadhe yajñasya mātā suhavā me astu yad icchāmi manasā sakāmo videyam enaddhṛdaye niviṣṭam iti
- 7
मनसा त्रिः संकल्पयते त्रिर् उच्चैः
manasā triḥ saṃkalpayate trir uccaiḥ
- 8
सर्वकामो ऽग्नीन् आधास्य इत्य् अग्न्याधेये
sarvakāmo 'gnīn ādhāsya ity agnyādheye
- 9
स्वर्गकामो दर्शपूर्णमासाभ्यां यक्ष्य इति दर्शपूर्णमासयोः
svargakāmo darśapūrṇamāsābhyāṃ yakṣya iti darśapūrṇamāsayoḥ
- 10
स्वर्गकामश्चातुर्मास्यैर्यक्ष्य इति चातुर्मास्येषु
svargakāmaścāturmāsyairyakṣya iti cāturmāsyeṣu
- 11
स्वर्गकामः पशुना यक्ष्य इति पशुबन्धे
svargakāmaḥ paśunā yakṣya iti paśubandhe
- 12
स्वर्गकामः सोमेन यक्ष्य इति सोमे
svargakāmaḥ somena yakṣya iti some
- 13
स्वर्गकामो ऽग्निं चेष्य इत्य् अग्निचये
svargakāmo 'gniṃ ceṣya ity agnicaye
- 14
अहीने ऽहर्गणे वा यथाकामो यत्कामो वा यजते
ahīne 'hargaṇe vā yathākāmo yatkāmo vā yajate
- 15
तन्म ऋध्यतां तन्मे समृध्यतां तन्मे संपद्यतां काम इति
tanma ṛdhyatāṃ tanme samṛdhyatāṃ tanme saṃpadyatāṃ kāma iti
- 16
अथर्त्विजां प्रतिवचनं तत्त ऋध्यतां तत्ते समृध्यतां तत्ते संपद्यतां काम इति
athartvijāṃ prativacanaṃ tatta ṛdhyatāṃ tatte samṛdhyatāṃ tatte saṃpadyatāṃ kāma iti
- 17
ॐ तथेति प्रतिवचनम्
oṃ tatheti prativacanam

