16 shlokas
- 1
अतिलोभात्प्रमादाद्वा यः करोति क्रियाम् इमाम्
अन्यस्य सो ऽंहसाविष्टो गरगीर् इव सीदति
atilobhātpramādādvā yaḥ karoti kriyām imām
anyasya so 'ṃhasāviṣṭo garagīr iva sīdati
- 2
आचार्यस्य पितुर्मातुर् आत्मनश्च क्रियाम् इमाम्
कुर्वन्भात्य् अर्कवद्विप्रः सा कार्यैषाम् अतः क्रिया
ācāryasya piturmātur ātmanaśca kriyām imām
kurvanbhāty arkavadvipraḥ sā kāryaiṣām ataḥ kriyā
- 3
क एतेन सहस्राक्षं पवित्रेणाकरोच्छुचिम्
अग्निं वायुं रविं सोमं यमादींश्च सुरेश्वरान्
ka etena sahasrākṣaṃ pavitreṇākarocchucim
agniṃ vāyuṃ raviṃ somaṃ yamādīṃśca sureśvarān
- 4
यत्किंचित्पुण्यनामेह त्रिषु लोकेषु विश्रुतम्
विप्रादि तत्कृतं केन पवित्रक्रिययानया
yatkiṃcitpuṇyanāmeha triṣu lokeṣu viśrutam
viprādi tatkṛtaṃ kena pavitrakriyayānayā
- 5
प्राजापत्यम् इदं गुह्यं पापघ्नं प्रथमोद्भवम्
समुत्पन्नान्य् अतः पश्चात्पवित्राणि सहस्रशः
prājāpatyam idaṃ guhyaṃ pāpaghnaṃ prathamodbhavam
samutpannāny ataḥ paścātpavitrāṇi sahasraśaḥ
- 6
यो ऽब्दायनर्तुपक्षाहाञ्जुहोत्य् अष्टौ गणान् इमान्
पुनाति चात्मनो वंश्यान्दश पूर्वान्दशावरान्
yo 'bdāyanartupakṣāhāñjuhoty aṣṭau gaṇān imān
punāti cātmano vaṃśyāndaśa pūrvāndaśāvarān
- 7
ज्ञायते चामरैर्द्युस्थैः पुण्यकर्मेति भूस्थितः
देववन्मोदते भूयः स्वर्गलोके ऽपि पुण्यकृत्
jñāyate cāmarairdyusthaiḥ puṇyakarmeti bhūsthitaḥ
devavanmodate bhūyaḥ svargaloke 'pi puṇyakṛt
- 8
एतान् अष्टौ गणान्होतुं न शक्नोति यदि द्विजः
एको ऽपि तेन होतव्यो रजस्तेनास्य नश्यति
etān aṣṭau gaṇānhotuṃ na śaknoti yadi dvijaḥ
eko 'pi tena hotavyo rajastenāsya naśyati
- 9
सूनवो यस्य शिष्या वा जुह्वत्य् अष्टौ गणान् इमान्
अध्यापनपरिक्रीतैर् अंहसः सो ऽपि मुच्यते
sūnavo yasya śiṣyā vā juhvaty aṣṭau gaṇān imān
adhyāpanaparikrītair aṃhasaḥ so 'pi mucyate
- 10
धनेनापि परिक्रीतैर् आत्मपापजिघांसया
हावनीया ह्य् अशक्तेन नावसाद्यः शरीरधृक्
dhanenāpi parikrītair ātmapāpajighāṃsayā
hāvanīyā hy aśaktena nāvasādyaḥ śarīradhṛk
- 11
धनस्य क्रियते त्यागः कर्मणां सुकृताम् अपि
पुंसो ऽनृणस्य पापस्य विमोक्षः क्रियते क्वचित्
dhanasya kriyate tyāgaḥ karmaṇāṃ sukṛtām api
puṃso 'nṛṇasya pāpasya vimokṣaḥ kriyate kvacit
- 12
विमुक्तो विधिनैतेन सर्वपापार्णसागरात्
आत्मानं मन्यते शुद्धं समर्थं कर्मसाधने
vimukto vidhinaitena sarvapāpārṇasāgarāt
ātmānaṃ manyate śuddhaṃ samarthaṃ karmasādhane
- 13
सर्वपापार्णमुक्तात्मा क्रिया आरभते तु याः
अयत्नेनैव ताः सिद्धिं यान्ति शुद्धशरीरिणः
sarvapāpārṇamuktātmā kriyā ārabhate tu yāḥ
ayatnenaiva tāḥ siddhiṃ yānti śuddhaśarīriṇaḥ
- 14
प्राजापत्यम् इदं पुण्यम् ऋषिणा समुदीरितम्
इदम् अध्यापयेन्नित्यं धारयेच्छृणुते ऽपि वा
मुच्यते सर्वपापेभ्यो ब्रह्मलोके महीयते
prājāpatyam idaṃ puṇyam ṛṣiṇā samudīritam
idam adhyāpayennityaṃ dhārayecchṛṇute 'pi vā
mucyate sarvapāpebhyo brahmaloke mahīyate
- 15
यान्सिषाधयिषुर्मन्त्रान्द्वादशाहानि ताञ्जपेत्
घृतेन पयसा दध्ना प्राश्य निश्य् ओदनं सकृत्
yānsiṣādhayiṣurmantrāndvādaśāhāni tāñjapet
ghṛtena payasā dadhnā prāśya niśy odanaṃ sakṛt
- 16
दशवारं तथा होमः सर्पिषा सवनत्रयम्
पूर्वसेवा भवेद् एषां मन्त्राणां कर्मसाधने
मन्त्राणां कर्मसाधन इति
daśavāraṃ tathā homaḥ sarpiṣā savanatrayam
pūrvasevā bhaved eṣāṃ mantrāṇāṃ karmasādhane
mantrāṇāṃ karmasādhana iti

