15 shlokas
- 1
अग्न्याधेये समित्स्व् आहितासु नाग्निं गृहाद् उद्धरेयुर्नान्यत आहरेयुः
agnyādheye samitsv āhitāsu nāgniṃ gṛhād uddhareyurnānyata āhareyuḥ
- 2
न प्रयायान्नानुगच्छेत्
na prayāyānnānugacchet
- 3
यदि प्रयायाद् अनुगच्छेद्वा संवत्सरं संवत्सराभिप्रायो वा यदि त्वरेद्ब्रह्मौदनं पक्त्वा पुनः समिधम् अभ्यादध्यात्
yadi prayāyād anugacchedvā saṃvatsaraṃ saṃvatsarābhiprāyo vā yadi tvaredbrahmaudanaṃ paktvā punaḥ samidham abhyādadhyāt
- 4
अग्निहोत्रं चेद् अनभ्युद्धृतं शरशरास्याद् अमुं समूहेति ब्रूयात्
agnihotraṃ ced anabhyuddhṛtaṃ śaraśarāsyād amuṃ samūheti brūyāt
- 5
विष्यन्नम् अग्ने त्वं न इति जुहुयात्
viṣyannam agne tvaṃ na iti juhuyāt
- 6
मध्यमेन पर्णेन मही द्यौर् इति तद् अन्तःपरिधिदेशे निनयेत्
madhyamena parṇena mahī dyaur iti tad antaḥparidhideśe ninayet
- 7
दुह्यमाना चेद् अवभिन्द्याद् अन्यस्यां स्थाल्यां दोहयित्वाधिश्रयेत्
duhyamānā ced avabhindyād anyasyāṃ sthālyāṃ dohayitvādhiśrayet
- 8
अधिश्रियमाणं चेत्स्कन्देद् अधिश्रितम् उन्नीयमानम् उन्नीतं पुनर् एव सन्नम् अहुतं स्कन्देत्पुनर् आनीयान्यां दोहयित्वाधिश्रित्योन्नीय जुहुयात्
adhiśriyamāṇaṃ cetskanded adhiśritam unnīyamānam unnītaṃ punar eva sannam ahutaṃ skandetpunar ānīyānyāṃ dohayitvādhiśrityonnīya juhuyāt
- 9
प्राचीनं चेद्ध्रियमाणं स्कन्देत्प्रजापतेर्विश्वभृतः स्कन्नाहुतम् असि स्वाहेति
prācīnaṃ ceddhriyamāṇaṃ skandetprajāpaterviśvabhṛtaḥ skannāhutam asi svāheti
- 10
दोहनप्रभृत्या होम स्कन्देत्समुद्रं त्वा प्रहिणोमीत्य् अपो निनीयोद् उत्तमम् इत्य् अभिमन्त्र्योद् उत्तमं मुमुग्धि न उद् उत्तमम्वरुणेति वारुण्येनाज्याहुतीर्जुहुयात्
dohanaprabhṛtyā homa skandetsamudraṃ tvā prahiṇomīty apo ninīyod uttamam ity abhimantryod uttamaṃ mumugdhi na ud uttamamvaruṇeti vāruṇyenājyāhutīrjuhuyāt
- 11
छावलीदेव सायं यस्य स्कन्नो होमः स्यात्प्रातर्नाश्नीयात्
chāvalīdeva sāyaṃ yasya skanno homaḥ syātprātarnāśnīyāt
- 12
प्रातर्यस्य स्कन्नो होमः स्यात्सायं नाश्नीयात्
prātaryasya skanno homaḥ syātsāyaṃ nāśnīyāt
- 13
मन्त्रस्कन्नं चेद् अभिवर्षेन्मित्रो जनान्यातयतीति समिधम् आधायान्यां दुग्ध्वा पुनर्जुहुयात्
mantraskannaṃ ced abhivarṣenmitro janānyātayatīti samidham ādhāyānyāṃ dugdhvā punarjuhuyāt
- 14
मित्रो जनान्यातयति ब्रुवाणो मित्रो दाधार पृथिवीम् उत द्याम्
मित्रः कृष्टीर् अनिमिषाभिचष्टे मित्राय हव्यं घृतवज्जुहोत स्वाहेति मन्त्रसंस्कृतं
mitro janānyātayati bruvāṇo mitro dādhāra pṛthivīm uta dyām
mitraḥ kṛṣṭīr animiṣābhicaṣṭe mitrāya havyaṃ ghṛtavajjuhota svāheti mantrasaṃskṛtaṃ
- 15
कीटावपन्नं हिरण्यगर्भ इति वल्मीकवपायाम् अवनीयान्यां दुग्ध्वा पुनर्जुहुयात्
kīṭāvapannaṃ hiraṇyagarbha iti valmīkavapāyām avanīyānyāṃ dugdhvā punarjuhuyāt

