44 shlokas
- 1
सांनाय्यं यद् उद्बोधयेयुश्चेद्वत्सा वायव्याया यवाग्वा सांनाय्यं यजेत
sāṃnāyyaṃ yad udbodhayeyuścedvatsā vāyavyāyā yavāgvā sāṃnāyyaṃ yajeta
- 2
अप्य् एकस्यां धीतायाम् अधीता दोहयेत्
apy ekasyāṃ dhītāyām adhītā dohayet
- 3
अधीताभिः संस्थाप्य धीतानाम्वत्सान् अपाकृत्य श्वः सांनाय्येन यजेत
adhītābhiḥ saṃsthāpya dhītānāmvatsān apākṛtya śvaḥ sāṃnāyyena yajeta
- 4
सायंदोहं चेद् अपहरेयुः प्रातर्दोहं द्वैधं कृत्वान्यतरत्सायंदोहस्थाने कृत्वोभाभ्यां यजेत
sāyaṃdohaṃ ced apahareyuḥ prātardohaṃ dvaidhaṃ kṛtvānyataratsāyaṃdohasthāne kṛtvobhābhyāṃ yajeta
- 5
प्रातर्दोहं चेद् अपहरेयुः सायंदोहं द्वैधं कृत्वान्यतरत्प्रातर्दोहस्थाने कृत्वोभाभ्यां यजेत
prātardohaṃ ced apahareyuḥ sāyaṃdohaṃ dvaidhaṃ kṛtvānyataratprātardohasthāne kṛtvobhābhyāṃ yajeta
- 6
उभौ चेद्दुष्येयाताम् ऐन्द्रं पञ्चशरावम् ओदनं निरुप्याग्नेयेन प्रचर्यैन्द्रेणानुप्रचरेद् उत्तराम् उपोष्य वोभाभ्यां यजेत
ubhau cedduṣyeyātām aindraṃ pañcaśarāvam odanaṃ nirupyāgneyena pracaryaindreṇānupracared uttarām upoṣya vobhābhyāṃ yajeta
- 7
सर्वाणि चेद्धवींष्य् अपहरेयुर्दुष्येयुर्वाज्येन च देवता यजेत
sarvāṇi ceddhavīṃṣy apahareyurduṣyeyurvājyena ca devatā yajeta
- 8
अथान्याम् अदोषाम् इष्टिं तन्वीताम् अपो दुष्टम् अभ्यवहरेयुः
athānyām adoṣām iṣṭiṃ tanvītām apo duṣṭam abhyavahareyuḥ
- 9
ब्राह्मणैर् अभक्ष्यं दुष्टं हविः
brāhmaṇair abhakṣyaṃ duṣṭaṃ haviḥ
- 10
भूतं चेद् आज्यं स्कन्देद्भूपतये स्वाहेति त्रिभिः प्रादेशैर्दिशो मिमाय तद्यजमानो देवाञ्जनम् अगन्न् इत्य् अनुषङ्गः
bhūtaṃ ced ājyaṃ skandedbhūpataye svāheti tribhiḥ prādeśairdiśo mimāya tadyajamāno devāñjanam agann ity anuṣaṅgaḥ
- 11
यज्ञस्य त्वा प्रमयेति चतसृभिः परिगृह्णीयात्
yajñasya tvā pramayeti catasṛbhiḥ parigṛhṇīyāt
- 12
यज्ञस्य त्वा प्रमयोन्मयाभिमया प्रतिमया परिददेम स्वाहेति
yajñasya tvā pramayonmayābhimayā pratimayā paridadema svāheti
- 13
अनुत्पूतं चेद् आज्यं स्कन्देद्वित्तं प्राणं दद्यात्
anutpūtaṃ ced ājyaṃ skandedvittaṃ prāṇaṃ dadyāt
- 14
तथोत्पूतम् उत्पूयमानं चेद्घृतं दद्याद् अथोत्पूतम् उत्पूयमानं चेद्घृतं प्राणं दद्याद्देवतान्तरे चेद्घृतम्
tathotpūtam utpūyamānaṃ cedghṛtaṃ dadyād athotpūtam utpūyamānaṃ cedghṛtaṃ prāṇaṃ dadyāddevatāntare cedghṛtam
- 15
आहुतिलोपव्यत्यासे
āhutilopavyatyāse
- 16
त्वं नो अग्ने स त्वं न इति सर्वप्रायश्चित्तं जुहुयात्
tvaṃ no agne sa tvaṃ na iti sarvaprāyaścittaṃ juhuyāt
- 17
त्वं नो अग्ने वरुणस्य विद्वान्देवस्य हेडो ऽवयासिसीष्ठाः यजिष्ठो वह्नितमः शोशुचानो विश्वा द्वेषांसि प्रमुमुग्ध्य् अस्मत्
tvaṃ no agne varuṇasya vidvāndevasya heḍo 'vayāsisīṣṭhāḥ yajiṣṭho vahnitamaḥ śośucāno viśvā dveṣāṃsi pramumugdhy asmat
- 18
स त्वं नो अग्ने ऽवमो भवोती नेदिष्ठो अस्या उषसो व्युष्टौ
अव यक्ष्व नो वरुणं रराणो वीहि मृडीकं सुहवो न एधि स्वाहेति
sa tvaṃ no agne 'vamo bhavotī nediṣṭho asyā uṣaso vyuṣṭau
ava yakṣva no varuṇaṃ rarāṇo vīhi mṛḍīkaṃ suhavo na edhi svāheti
- 19
देवतावदाने याज्यानुवाक्याव्यत्यासे ऽनाम्नातप्रायश्चित्तानां वा यद्य् ऋक्तो ऽभ्य् आबाधः स्याद्भूर्जनद् इति गार्हपत्ये जुहुयात्
devatāvadāne yājyānuvākyāvyatyāse 'nāmnātaprāyaścittānāṃ vā yady ṛkto 'bhy ābādhaḥ syādbhūrjanad iti gārhapatye juhuyāt
- 20
यदि यजुष्ट ॐ भुवो जनद् इति दक्षिणाग्नौ जुहुयात्
yadi yajuṣṭa oṃ bhuvo janad iti dakṣiṇāgnau juhuyāt
- 21
यदि सामत ॐ स्वर्जनद् इत्य् आहवनीये जुहुयात्
yadi sāmata oṃ svarjanad ity āhavanīye juhuyāt
- 22
यद्य् अनाज्ञाता ब्रह्मत ओम्भूर्भुवः स्वर्जनद् ओम् इत्य् आहवनीय एव जुहुयाद् आज्यभागान्ते स्वे देवताम् आवाहयिष्यन्यस्यैव हविर्निरुप्तं स्यात्ततोन्तया यजेताज्यस्यैतानि निरुप्य
yady anājñātā brahmata ombhūrbhuvaḥ svarjanad om ity āhavanīya eva juhuyād ājyabhāgānte sve devatām āvāhayiṣyanyasyaiva havirniruptaṃ syāttatontayā yajetājyasyaitāni nirupya
- 23
यदि भागिनीं नावाहयेद्यत्र स्मरेत्तत्रैनाम् उपोत्थायावाह्यावापस्थाने यजेत
yadi bhāginīṃ nāvāhayedyatra smarettatrainām upotthāyāvāhyāvāpasthāne yajeta
- 24
बर्हिषि स्कन्ने नाद्रियेत
barhiṣi skanne nādriyeta
- 25
दक्षिणेन चेद्यजेतार्धर्चात्प्रतिष्ठां दद्यात्
dakṣiṇena cedyajetārdharcātpratiṣṭhāṃ dadyāt
- 26
पुरोडाशे दुःश्रिते सर्पिष्य् अन्नं चतुःशरावम् ओदनं ब्राह्मणेभ्यो दद्यात्
puroḍāśe duḥśrite sarpiṣy annaṃ catuḥśarāvam odanaṃ brāhmaṇebhyo dadyāt
- 27
ततस्तम् एव पुनर्निर्वपेत्
tatastam eva punarnirvapet
- 28
पुरोडाशे विक्षामे यतो ऽस्याक्षामः स्यात्ततो यजेत
puroḍāśe vikṣāme yato 'syākṣāmaḥ syāttato yajeta
- 29
द्वेष्याय तं दद्याद्दक्षिणां च
dveṣyāya taṃ dadyāddakṣiṇāṃ ca
- 30
पुरोडाशे सर्वक्षामे निर्वपणप्रभृत्याम् उदाहृत्य
puroḍāśe sarvakṣāme nirvapaṇaprabhṛtyām udāhṛtya

