23 shlokas
- 1
मूर्धा लोकानाम् असि वाचो रसस्तेजः प्राणस्यायतनं मनसः
संवेशश्चक्षुषः संभवः श्रोत्रस्य प्रतिष्ठा हृदयस्य सर्वम्
mūrdhā lokānām asi vāco rasastejaḥ prāṇasyāyatanaṃ manasaḥ
saṃveśaścakṣuṣaḥ saṃbhavaḥ śrotrasya pratiṣṭhā hṛdayasya sarvam
- 2
इन्द्रः कर्माक्षितम् अमृतं व्योम ऋतं सत्यं विजिग्यानम्विवाचनम्
अन्तो वाचो विभुः सर्वस्माद् उत्तरं ज्योतिर् ऊधर् अप्रतिवादः पूर्वम्
indraḥ karmākṣitam amṛtaṃ vyoma ṛtaṃ satyaṃ vijigyānamvivācanam
anto vāco vibhuḥ sarvasmād uttaraṃ jyotir ūdhar aprativādaḥ pūrvam
- 3
सर्वं वाक्पराग् अर्वाक्सप्रु सलिलं धेनु पिन्वति चक्षुः श्रोत्रं प्राणः
सत्यसंमितं वाक्प्रभूतं मनसो विभूतं हृदयोग्रं ब्राह्मणभर्तृकम्
sarvaṃ vākparāg arvāksapru salilaṃ dhenu pinvati cakṣuḥ śrotraṃ prāṇaḥ
satyasaṃmitaṃ vākprabhūtaṃ manaso vibhūtaṃ hṛdayograṃ brāhmaṇabhartṛkam
- 4
अन्नशुभे वर्षपवित्रं गोभगं पृथिव्युपरम्वरुणवाय्वितमम्
तपस्तन्व् इन्द्रज्येष्ठं सहस्रधारम् अयुताक्षरम् अमृतं दुहानम्
annaśubhe varṣapavitraṃ gobhagaṃ pṛthivyuparamvaruṇavāyvitamam
tapastanv indrajyeṣṭhaṃ sahasradhāram ayutākṣaram amṛtaṃ duhānam
- 5
एतास्त उक्थभूतय एता वाचो विभूतयः
ताभिर्म इह धुक्ष्वामृतस्य श्रियं महीम्
etāsta ukthabhūtaya etā vāco vibhūtayaḥ
tābhirma iha dhukṣvāmṛtasya śriyaṃ mahīm
- 6
प्रजापतिर् इदं ब्रह्म वेदानां ससृजे रसम्
तेनाहम्विश्वम् आप्यासं सर्वान्कामान्दुहां महत्
prajāpatir idaṃ brahma vedānāṃ sasṛje rasam
tenāhamviśvam āpyāsaṃ sarvānkāmānduhāṃ mahat
- 7
भूर्भुवः स्वस्त्रयो वेदो ऽसि
bhūrbhuvaḥ svastrayo vedo 'si
- 8
ब्रह्म प्रजाम्मे धुक्ष्व
brahma prajāmme dhukṣva
- 9
आयुः प्राणं मे धुक्ष्व
āyuḥ prāṇaṃ me dhukṣva
- 10
पशून्विशं मे धुक्ष्व
paśūnviśaṃ me dhukṣva
- 11
श्रियं यशो मे धुक्ष्व
śriyaṃ yaśo me dhukṣva
- 12
लोकम्ब्रह्मवर्चसम् अभयं यज्ञसमृद्धिं मे धुक्ष्व
lokambrahmavarcasam abhayaṃ yajñasamṛddhiṃ me dhukṣva
- 13
इति वाचयत्य् अध्वर्युम् अबुद्धं चेद् अस्य भवति
iti vācayaty adhvaryum abuddhaṃ ced asya bhavati
- 14
ओम् उक्थशा यज सोमस्येतीज्यायै संप्रेषितो ये३ यजामह इत्य् आगूर्य नित्ययैव यजति व्यवान्येवानुवषट्करोति
om ukthaśā yaja somasyetījyāyai saṃpreṣito ye3 yajāmaha ity āgūrya nityayaiva yajati vyavānyevānuvaṣaṭkaroti
- 15
उक्तं वषट्कारानुमन्त्रणम्
uktaṃ vaṣaṭkārānumantraṇam
- 16
आहरत्य् अध्वर्युर् उक्थपात्रम् अतिग्राह्यांश्चमसांश्च
āharaty adhvaryur ukthapātram atigrāhyāṃścamasāṃśca
- 17
भक्षं प्रतिख्याय होता प्राङ्प्रेङ्खाद् अवरोहति
bhakṣaṃ pratikhyāya hotā prāṅpreṅkhād avarohati
- 18
अथैतं प्रेङ्खं प्रत्यञ्चम् अवबध्नन्ति यथा शंसितारं भक्षयिष्यन्तं नोपहनिष्यसीति
athaitaṃ preṅkhaṃ pratyañcam avabadhnanti yathā śaṃsitāraṃ bhakṣayiṣyantaṃ nopahaniṣyasīti
- 19
प्रेङ्खस्य ह्य् आयतन आसीनो होता भक्षयति
preṅkhasya hy āyatana āsīno hotā bhakṣayati
- 20
अथैतद् उक्थपात्रं होतोपसृष्टेन जपेन भक्षयति
वाग्देवी सोमस्य तृप्यतु
सोमो मे राजायुः प्राणाय वर्षतु
स मे प्राणः सर्वम् आयुर्दुहां महद् इति
athaitad ukthapātraṃ hotopasṛṣṭena japena bhakṣayati
vāgdevī somasya tṛpyatu
somo me rājāyuḥ prāṇāya varṣatu
sa me prāṇaḥ sarvam āyurduhāṃ mahad iti
- 21
उत्तमाद् आभिप्लविकात्तृतीयसवनम् अन्यद्वैश्वदेवान्निविद्धानाद् अस्य वामस्य पलितस्य होतुर् इति सलिलस्य दैर्घतमस एकचत्वारिंशतम् आनोभद्रीयं च तस्य स्थान ऐकाहिकौ वैश्वदेवस्य प्रतिपदनुचरौ
uttamād ābhiplavikāttṛtīyasavanam anyadvaiśvadevānnividdhānād asya vāmasya palitasya hotur iti salilasya dairghatamasa ekacatvāriṃśatam ānobhadrīyaṃ ca tasya sthāna aikāhikau vaiśvadevasya pratipadanucarau
- 22
च्यवेत चेद्यज्ञायज्ञीयम् अग्ने तव श्रवो वय इति षट्स्तोत्रियानुरूपौ यदीडान्दं भूयसीषु चेत्स्तुवीरन्न् आग्निम्न स्ववृक्तिभिर् इति तावतीर् अनुरूपः
cyaveta cedyajñāyajñīyam agne tava śravo vaya iti ṣaṭstotriyānurūpau yadīḍāndaṃ bhūyasīṣu cetstuvīrann āgnimna svavṛktibhir iti tāvatīr anurūpaḥ
- 23
सम्पन्नं महाव्रतं संतिष्ठत इदम् अहर् अग्निष्टोमो यथाकालम् अवभृथं प्रेङ्खं हरेयुः संदहेयुर्बृसीः
sampannaṃ mahāvrataṃ saṃtiṣṭhata idam ahar agniṣṭomo yathākālam avabhṛthaṃ preṅkhaṃ hareyuḥ saṃdaheyurbṛsīḥ

