15 shlokas
- 1
ऊरू
ūrū
- 2
इन्द्राग्नी युवं सु न इत्य् एतस्यार्धर्चान्गायत्रीकारम् उत्तरम् उत्तरस्यानुष्टुप्कारं प्राग् उत्तमायाः
indrāgnī yuvaṃ su na ity etasyārdharcāngāyatrīkāram uttaram uttarasyānuṣṭupkāraṃ prāg uttamāyāḥ
- 3
प्र वो महे मन्दमानायान्धस इति निविद्धानम्
pra vo mahe mandamānāyāndhasa iti nividdhānam
- 4
वने न वा यो न्य् अधायि चाकन्यो जात एव प्रथमो मनस्वान् इति ते अन्तरेणा याह्य् अर्वाङ् उप वन्धुरेष्ठा विधुं दद्राणं समने बहूनाम् इत्य् एतद् आवपनम्
vane na vā yo ny adhāyi cākanyo jāta eva prathamo manasvān iti te antareṇā yāhy arvāṅ upa vandhureṣṭhā vidhuṃ dadrāṇaṃ samane bahūnām ity etad āvapanam
- 5
दशतीनाम् ऐन्द्रीणां त्रिष्टुब्जगतीनां बृहतीसम्पन्नानां यावतीर् आवपेरंस्तावन्त्य् ऊर्ध्वम् आयुषो वर्षाणि जिजीविषेत्संवत्सरात्संवत्सराद्दशतो न वा
daśatīnām aindrīṇāṃ triṣṭubjagatīnāṃ bṛhatīsampannānāṃ yāvatīr āvaperaṃstāvanty ūrdhvam āyuṣo varṣāṇi jijīviṣetsaṃvatsarātsaṃvatsarāddaśato na vā
- 6
त्यम् ऊ षु वाजिनं देवजूतम्
tyam ū ṣu vājinaṃ devajūtam
- 7
इन्द्रो विश्वं विराजतीत्य् एकपदा
indro viśvaṃ virājatīty ekapadā
- 8
इन्द्रं विश्वा अवीवृधन्न् इत्य् आनुष्टुभम्
indraṃ viśvā avīvṛdhann ity ānuṣṭubham
- 9
तस्य प्रथमायाः पूर्वम् अर्धर्चं शस्त्वोत्तरेणार्धर्चेनोत्तरस्याः पूर्वम् अर्धर्चं व्यतिषजति पादैः पादान् अनुष्टुप्कारम्
tasya prathamāyāḥ pūrvam ardharcaṃ śastvottareṇārdharcenottarasyāḥ pūrvam ardharcaṃ vyatiṣajati pādaiḥ pādān anuṣṭupkāram
- 10
प्राग् उत्तमायाः पूर्वस्मात्पूर्वस्माद् अर्धर्चाद् उत्तरम् उत्तरम् अर्धर्चं व्यतिषजति
prāg uttamāyāḥ pūrvasmātpūrvasmād ardharcād uttaram uttaram ardharcaṃ vyatiṣajati
- 11
प्रकृत्या शेषः
prakṛtyā śeṣaḥ
- 12
पिबा सोमम् इन्द्र मन्दतु त्वेति षट्
pibā somam indra mandatu tveti ṣaṭ
- 13
योनिष्ट इन्द्र सदने अकारीत्य् एतस्य चतस्रः शस्त्वोत्तमाम् उपसंतत्योपोत्तमया परिदधाति
yoniṣṭa indra sadane akārīty etasya catasraḥ śastvottamām upasaṃtatyopottamayā paridadhāti
- 14
परिहित उक्थ उक्थसंपदं जपति
parihita uktha ukthasaṃpadaṃ japati
- 15
उक्थवीर्यस्य स्थान उक्थदोहः
ukthavīryasya sthāna ukthadohaḥ

