10 shlokas
- 1
यो ह वा आत्मानं पञ्चविधम् उक्थं वेद यस्माद् इदं सर्वम् उत्तिष्ठति स संप्रतिवित्
yo ha vā ātmānaṃ pañcavidham ukthaṃ veda yasmād idaṃ sarvam uttiṣṭhati sa saṃprativit
- 2
पृथिवी वायुर् आकाश आपो ज्योतींषीत्य् एष वा आत्मोक्थं पञ्चविधम् एतस्माद्धीदं सर्वम् उत्तिष्ठत्य् एतम् एवाप्येति
pṛthivī vāyur ākāśa āpo jyotīṃṣīty eṣa vā ātmokthaṃ pañcavidham etasmāddhīdaṃ sarvam uttiṣṭhaty etam evāpyeti
- 3
अयनं ह वै समानानां भवति य एवं वेद
ayanaṃ ha vai samānānāṃ bhavati ya evaṃ veda
- 4
तस्मिन्यो ऽन्नं चान्नादं च वेदाहास्मिन्न् अन्नादो जायते भवत्य् अस्यान्नम्
tasminyo 'nnaṃ cānnādaṃ ca vedāhāsminn annādo jāyate bhavaty asyānnam
- 5
आपश्च पृथिवी चान्नम् एतन्मयानि ह्य् अन्नानि भवन्ति ज्योतिश्च वायुश्चान्नादम् एताभ्यां हीदं सर्वम् अन्नम् अत्त्य् आवपनम् आकाश आकाशे हीदं सर्वं समोप्यते
āpaśca pṛthivī cānnam etanmayāni hy annāni bhavanti jyotiśca vāyuścānnādam etābhyāṃ hīdaṃ sarvam annam atty āvapanam ākāśa ākāśe hīdaṃ sarvaṃ samopyate
- 6
आवपनं ह वै समानानां भवति य एवं वेद
āvapanaṃ ha vai samānānāṃ bhavati ya evaṃ veda
- 7
तस्मिन्यो ऽन्नं चान्नादं च वेदाहास्मिन्न् अन्नादो जायते भवत्य् अस्यान्नम्
tasminyo 'nnaṃ cānnādaṃ ca vedāhāsminn annādo jāyate bhavaty asyānnam
- 8
ओषधिवनस्पतयो ऽन्नं प्राणभृतो ऽन्नादम् ओषधिवनस्पतीन्हि प्राणभृतो ऽदन्ति
oṣadhivanaspatayo 'nnaṃ prāṇabhṛto 'nnādam oṣadhivanaspatīnhi prāṇabhṛto 'danti
- 9
तेषां य उभयतोदन्ताः पुरुषस्यानु विधां विहितास्ते ऽन्नादा अन्नम् इतरे पशवस्तस्मात्त इतरान्पशून् अधीव चरन्त्य् अधीव ह्य् अन्ने ऽन्नादो भवति
teṣāṃ ya ubhayatodantāḥ puruṣasyānu vidhāṃ vihitāste 'nnādā annam itare paśavastasmātta itarānpaśūn adhīva caranty adhīva hy anne 'nnādo bhavati
- 10
अधीव ह समानानां जायते य एवं वेद
adhīva ha samānānāṃ jāyate ya evaṃ veda

