आत्मसंयमयोगः

47 shlokas

1. 1

   अनाश्रितः कर्मफलं कार्यं कर्म करोति यः ।

   स संन्यासी च योगी च न निरग्निर्न चाक्रियः ॥

   anāśritaḥ karmaphalaṃ kāryaṃ karma karoti yaḥ |

   sa saṃnyāsī ca yogī ca na niragnirna cākriyaḥ ||

   Borrador automático
2. 2

   यं संन्यासमिति प्राहुर्योगं तं विद्धि पाण्डव ।

   न ह्यसंन्यस्तसङ्कल्पो योगी भवति कश्चन ॥

   yaṃ saṃnyāsamiti prāhuryogaṃ taṃ viddhi pāṇḍava |

   na hyasaṃnyastasaṅkalpo yogī bhavati kaścana ||

   Borrador automático
3. 3

   आरुरुक्षोर्मुनेर्योगं कर्म कारणमुच्यते ।

   योगारूढस्य तस्यैव शमः कारणमुच्यते ॥

   ārurukṣormuneryogaṃ karma kāraṇamucyate |

   yogārūḍhasya tasyaiva śamaḥ kāraṇamucyate ||

   Borrador automático
4. 4

   यदा हि नेन्द्रियार्थेषु न कर्मस्वनुषज्जते ।

   सर्वसङ्कल्पसंन्यासी योगारूढस्तदोच्यते ॥

   yadā hi nendriyārtheṣu na karmasvanuṣajjate |

   sarvasaṅkalpasaṃnyāsī yogārūḍhastadocyate ||

   Borrador automático
5. 5

   उद्धरेदात्मनात्मानं नात्मानमवसादयेत् ।

   आत्मैव ह्यात्मनो बन्धुरात्मैव रिपुरात्मनः ॥

   uddharedātmanātmānaṃ nātmānamavasādayet |

   ātmaiva hyātmano bandhurātmaiva ripurātmanaḥ ||

   Borrador automático
6. 6

   बन्धुरात्मात्मनस्तस्य येनात्मैवात्मना जितः ।

   अनात्मनस्तु शत्रुत्वे वर्तेतात्मैव शत्रुवत् ॥

   bandhurātmātmanastasya yenātmaivātmanā jitaḥ |

   anātmanastu śatrutve vartetātmaiva śatruvat ||

   Borrador automático
7. 7

   जितात्मनः प्रशान्तस्य परमात्मा समाहितः ।

   शीतोष्णसुखदुःखेषु तथा मानापमानयोः ॥

   jitātmanaḥ praśāntasya paramātmā samāhitaḥ |

   śītoṣṇasukhaduḥkheṣu tathā mānāpamānayoḥ ||

   Borrador automático
8. 8

   ज्ञानविज्ञानतृप्तात्मा कूटस्थो विजितेन्द्रियः ।

   युक्त इत्युच्यते योगी समलोष्टाश्मकाञ्चनः ॥

   jñānavijñānatṛptātmā kūṭastho vijitendriyaḥ |

   yukta ityucyate yogī samaloṣṭāśmakāñcanaḥ ||

   Borrador automático
9. 9

   सुहृन्मित्रार्युदासीनमध्यस्थद्वेष्यबन्धुषु ।

   साधुष्वपि च पापेषु समबुद्धिर्विशिष्यते ॥

   suhṛnmitrāryudāsīnamadhyasthadveṣyabandhuṣu |

   sādhuṣvapi ca pāpeṣu samabuddhirviśiṣyate ||

   Borrador automático
10. 10

    योगी युञ्जीत सततमात्मानं रहसि स्थितः ।

    एकाकी यतचित्तात्मा निराशीरपरिग्रहः ॥

    yogī yuñjīta satatamātmānaṃ rahasi sthitaḥ |

    ekākī yatacittātmā nirāśīraparigrahaḥ ||

    Borrador automático
11. 11

    शुचौ देशे प्रतिष्ठाप्य स्थिरमासनमात्मनः ।

    नात्युच्छ्रितं नातिनीचं चैलाजिनकुशोत्तरम् ॥

    śucau deśe pratiṣṭhāpya sthiramāsanamātmanaḥ |

    nātyucchritaṃ nātinīcaṃ cailājinakuśottaram ||

    Borrador automático
12. 12

    तत्रैकाग्रं मनः कृत्वा यतचित्तेन्द्रियक्रियः ।

    उपविश्यासने युञ्ज्याद्योगमात्मविशुद्धये ॥

    tatraikāgraṃ manaḥ kṛtvā yatacittendriyakriyaḥ |

    upaviśyāsane yuñjyādyogamātmaviśuddhaye ||

    Borrador automático
13. 13

    समं कायशिरोग्रीवं धारयन्नचलं स्थिरः ।

    सम्प्रेक्ष्य नासिकाग्रं स्वं दिशश्चानवलोकयन् ॥

    samaṃ kāyaśirogrīvaṃ dhārayannacalaṃ sthiraḥ |

    samprekṣya nāsikāgraṃ svaṃ diśaścānavalokayan ||

    Borrador automático
14. 14

    प्रशान्तात्मा विगतभीर्ब्रह्मचारिव्रते स्थितः ।

    मनः संयम्य मच्चित्तो युक्त आसीत मत्परः ॥

    praśāntātmā vigatabhīrbrahmacārivrate sthitaḥ |

    manaḥ saṃyamya maccitto yukta āsīta matparaḥ ||

    Borrador automático
15. 15

    युञ्जन्नेवं सदात्मानं योगी नियतमानसः ।

    शान्तिं निर्वाणपरमां मत्संस्थामधिगच्छति ॥

    yuñjannevaṃ sadātmānaṃ yogī niyatamānasaḥ |

    śāntiṃ nirvāṇaparamāṃ matsaṃsthāmadhigacchati ||

    Borrador automático
16. 16

    नात्यश्नतस्तु योगोऽस्ति न चैकान्तमनश्नतः ।

    न चातिस्वप्नशीलस्य जाग्रतो नैव चार्जुन ॥

    nātyaśnatastu yogo'sti na caikāntamanaśnataḥ |

    na cātisvapnaśīlasya jāgrato naiva cārjuna ||

    Borrador automático
17. 17

    युक्ताहारविहारस्य युक्तचेष्टस्य कर्मसु ।

    युक्तस्वप्नावबोधस्य योगो भवति दुःखहा ॥

    yuktāhāravihārasya yuktaceṣṭasya karmasu |

    yuktasvapnāvabodhasya yogo bhavati duḥkhahā ||

    Borrador automático
18. 18

    यदा विनियतं चित्तमात्मन्येवावतिष्ठते ।

    निःस्पृहः सर्वकामेभ्यो युक्त इत्युच्यते तदा ॥

    yadā viniyataṃ cittamātmanyevāvatiṣṭhate |

    niḥspṛhaḥ sarvakāmebhyo yukta ityucyate tadā ||

    Borrador automático
19. 19

    यथा दीपो निवातस्थो नेङ्गते सोपमा स्मृता ।

    योगिनो यतचित्तस्य युञ्जतो योगमात्मनः ॥

    yathā dīpo nivātastho neṅgate sopamā smṛtā |

    yogino yatacittasya yuñjato yogamātmanaḥ ||

    Borrador automático
20. 20

    यत्रोपरमते चित्तं निरुद्धं योगसेवया ।

    यत्र चैवात्मनात्मानं पश्यन्नात्मनि तुष्यति ॥

    yatroparamate cittaṃ niruddhaṃ yogasevayā |

    yatra caivātmanātmānaṃ paśyannātmani tuṣyati ||

    Borrador automático
21. 21

    सुखमात्यन्तिकं यत्तद् बुद्धिग्राह्यमतीन्द्रियम् ।

    वेत्ति यत्र न चैवायं स्थितश्चलति तत्त्वतः ॥

    sukhamātyantikaṃ yattad buddhigrāhyamatīndriyam |

    vetti yatra na caivāyaṃ sthitaścalati tattvataḥ ||

    Borrador automático
22. 22

    यं लब्ध्वा चापरं लाभं मन्यते नाधिकं ततः ।

    यस्मिन्स्थितो न दुःखेन गुरुणापि विचाल्यते ॥

    yaṃ labdhvā cāparaṃ lābhaṃ manyate nādhikaṃ tataḥ |

    yasminsthito na duḥkhena guruṇāpi vicālyate ||

    Borrador automático
23. 23

    तं विद्याद् दुःखसंयोगवियोगं योगसंज्ञितम् ।

    स निश्चयेन योक्तव्यो योगोऽनिर्विण्णचेतसा ॥

    taṃ vidyād duḥkhasaṃyogaviyogaṃ yogasaṃjñitam |

    sa niścayena yoktavyo yogo'nirviṇṇacetasā ||

    Borrador automático
24. 24

    सङ्कल्पप्रभवान्कामांस्त्यक्त्वा सर्वानशेषतः ।

    मनसैवेन्द्रियग्रामं विनियम्य समन्ततः ॥

    saṅkalpaprabhavānkāmāṃstyaktvā sarvānaśeṣataḥ |

    manasaivendriyagrāmaṃ viniyamya samantataḥ ||

    Borrador automático
25. 25

    शनैः शनैरुपरमेद् बुद्ध्या धृतिगृहीतया ।

    आत्मसंस्थं मनः कृत्वा न किञ्चिदपि चिन्तयेत् ॥

    śanaiḥ śanairuparamed buddhyā dhṛtigṛhītayā |

    ātmasaṃsthaṃ manaḥ kṛtvā na kiñcidapi cintayet ||

    Borrador automático
26. 26

    यतो यतो निश्चरति मनश्चञ्चलमस्थिरम् ।

    ततस्ततो नियम्यैतदात्मन्येव वशं नयेत् ॥

    yato yato niścarati manaścañcalamasthiram |

    tatastato niyamyaitadātmanyeva vaśaṃ nayet ||

    Borrador automático
27. 27

    प्रशान्तमनसं ह्येनं योगिनं सुखमुत्तमम् ।

    उपैति शान्तरजसं ब्रह्मभूतमकल्मषम् ॥

    praśāntamanasaṃ hyenaṃ yoginaṃ sukhamuttamam |

    upaiti śāntarajasaṃ brahmabhūtamakalmaṣam ||

    Borrador automático
28. 28

    युञ्जन्नेवं सदात्मानं योगी विगतकल्मषः ।

    सुखेन ब्रह्मसंस्पर्शमत्यन्तं सुखमश्नुते ॥

    yuñjannevaṃ sadātmānaṃ yogī vigatakalmaṣaḥ |

    sukhena brahmasaṃsparśamatyantaṃ sukhamaśnute ||

    Borrador automático
29. 29

    सर्वभूतस्थमात्मानं सर्वभूतानि चात्मनि ।

    ईक्षते योगयुक्तात्मा सर्वत्र समदर्शनः ॥

    sarvabhūtasthamātmānaṃ sarvabhūtāni cātmani |

    īkṣate yogayuktātmā sarvatra samadarśanaḥ ||

    Borrador automático
30. 30

    यो मां पश्यति सर्वत्र सर्वं च मयि पश्यति ।

    तस्याहं न प्रणश्यामि स च मे न प्रणश्यति ॥

    yo māṃ paśyati sarvatra sarvaṃ ca mayi paśyati |

    tasyāhaṃ na praṇaśyāmi sa ca me na praṇaśyati ||

    Borrador automático