60 shlokas
- 1
राज्ञो राजसूयः
rājño rājasūyaḥ
- 2
अग्निष्टोमेनेष्ट्वा चैत्र्यां पौर्णमास्यां सप्तरात्रस्य पुरस्ताद् इष्टिं निर्वपति
agniṣṭomeneṣṭvā caitryāṃ paurṇamāsyāṃ saptarātrasya purastād iṣṭiṃ nirvapati
- 3
अनुमत्या अष्टाकपालं निर्वपति
anumatyā aṣṭākapālaṃ nirvapati
- 4
ये प्रत्यञ्चः शम्याम् अतिशीयन्ते तन्नैरृतम् एककपालम्
ye pratyañcaḥ śamyām atiśīyante tannairṛtam ekakapālam
- 5
उभौ सह शृतौ कुर्वन्ति
ubhau saha śṛtau kurvanti
- 6
नैरृतेन पूर्वेण प्रचरन्ति
nairṛtena pūrveṇa pracaranti
- 7
वीहि स्वाहाहुतिं जुषाण इति गार्हपत्ये हुत्वा दक्षिणा परेत्य स्वकृत इरिण एकोल्मुकं निधाय विस्रंसिकायाः काण्डाभ्यां नैरृतं जुहोत्यङ्गुष्ठाभ्यां वा जुषाणा निरृतिर्वेतु स्वाहेति
vīhi svāhāhutiṃ juṣāṇa iti gārhapatye hutvā dakṣiṇā paretya svakṛta iriṇa ekolmukaṃ nidhāya visraṃsikāyāḥ kāṇḍābhyāṃ nairṛtaṃ juhotyaṅguṣṭhābhyāṃ vā juṣāṇā nirṛtirvetu svāheti
- 8
वासः कृष्णं भिन्नान्तं दक्षिणा
vāsaḥ kṛṣṇaṃ bhinnāntaṃ dakṣiṇā
- 9
स्वाहा मनो य इदं चकारेति गार्हपत्ये हुत्वानुमतेन प्रचरन्ति
svāhā mano ya idaṃ cakāreti gārhapatye hutvānumatena pracaranti
- 10
धेनुर्दक्षिणा
dhenurdakṣiṇā
- 11
अथ य उदञ्चः शम्याम् अतिशीयन्ते तान् उदङ्परेत्य वल्मीकवपाम् उद्रुज्य शुक्त्याभिजुहोत्य् इदम् अहम् अमुष्यामुष्यायणस्य क्षेत्रियम् अवयज इति
atha ya udañcaḥ śamyām atiśīyante tān udaṅparetya valmīkavapām udrujya śuktyābhijuhoty idam aham amuṣyāmuṣyāyaṇasya kṣetriyam avayaja iti
- 12
तेनैव लोष्टेनापिदधाति इदम् अहम् अमुष्यामुष्यायणस्य क्षेत्रियम् अपिदधामीति
tenaiva loṣṭenāpidadhāti idam aham amuṣyāmuṣyāyaṇasya kṣetriyam apidadhāmīti
- 13
श्वो भूत आदित्येभ्यो भुवद्वद्भ्य इति घृते चरुः
śvo bhūta ādityebhyo bhuvadvadbhya iti ghṛte caruḥ
- 14
पञ्चाग्रायणषष्ठ्यै सरस्वत्यै चरुः सरस्वते द्वादशकपाल इति मिथुनौ गावौ दक्षिणा
pañcāgrāyaṇaṣaṣṭhyai sarasvatyai caruḥ sarasvate dvādaśakapāla iti mithunau gāvau dakṣiṇā
- 15
संवत्सरं चातुर्मास्यैर्यथाविहितम् इष्ट्वेन्द्रतुरीयेण यजेत
saṃvatsaraṃ cāturmāsyairyathāvihitam iṣṭvendraturīyeṇa yajeta
- 16
सायं पञ्चेध्मीयेन
sāyaṃ pañcedhmīyena
- 17
अपां न्ययनाद् अपामार्गान् आहरन्ति
apāṃ nyayanād apāmārgān āharanti
- 18
तान्त्सक्तून्कृत्वा दक्षिणा परेत्य स्वकृत इरिण एकोल्मुकं निधाय पर्णमयेन स्रुवेण जुहोति देवस्य त्वेति
tāntsaktūnkṛtvā dakṣiṇā paretya svakṛta iriṇa ekolmukaṃ nidhāya parṇamayena sruveṇa juhoti devasya tveti
- 19
हतं रक्षो ऽवधिष्म रक्ष इति हुत्वानुनिगदति
hataṃ rakṣo 'vadhiṣma rakṣa iti hutvānunigadati
- 20
वासो दक्षिणा
vāso dakṣiṇā
- 21
आहवनीयं चतुर्धा प्रतिदिशं व्यूहति मध्ये पञ्चमम्
āhavanīyaṃ caturdhā pratidiśaṃ vyūhati madhye pañcamam
- 22
ये देवाः पुरःसद इति पर्यायैर्जुहोति मध्ये पञ्चमेन
ye devāḥ puraḥsada iti paryāyairjuhoti madhye pañcamena
- 23
इदम् अहं रक्षो ऽभिसमूहामीति समूह्याग्नये पुरःसदे स्वाहेति पर्यायैः प्रदक्षिणं जुहोति मध्ये च
idam ahaṃ rakṣo 'bhisamūhāmīti samūhyāgnaye puraḥsade svāheti paryāyaiḥ pradakṣiṇaṃ juhoti madhye ca
- 24
रथः पञ्चवाही दक्षिणा
rathaḥ pañcavāhī dakṣiṇā
- 25
आभिर् इष्टिभिर्यजते ऽनुमत्यै चरुर् इति पञ्च देविकाहवींषि
ābhir iṣṭibhiryajate 'numatyai carur iti pañca devikāhavīṃṣi
- 26
मध्ये चरुं धात्रे निर्वपत्य् अन्ते वा
madhye caruṃ dhātre nirvapaty ante vā
- 27
पशुकामं याजयेद् इति ब्राह्मणव्याख्यातम्
paśukāmaṃ yājayed iti brāhmaṇavyākhyātam
- 28
अन्तराणि त्रीणि सह हवींषि पूर्वं त्रिषंयुक्तम्
antarāṇi trīṇi saha havīṃṣi pūrvaṃ triṣaṃyuktam
- 29
अन्तराणि त्रीणि द्वितीयम्
antarāṇi trīṇi dvitīyam
- 30
अग्नीषोमीय एकादशकपाल इन्द्रासोमीय एकादशकपालः सौम्यश्चरुर्बभ्रुर्दक्षिणेति तृतीयम्
agnīṣomīya ekādaśakapāla indrāsomīya ekādaśakapālaḥ saumyaścarurbabhrurdakṣiṇeti tṛtīyam

