47 shlokas
- 1
अङ्कौ न्यङ्कावभितो रथं ये ध्वान्ता वाता अग्रमभि ये संपतन्ति
दूरेहेतिः पतत्री वाजिनीवांस्ते नो अग्नयः पप्रयः पारयन्त्व् इति
चक्रम् अभिमन्त्रयते
aṅkau nyaṅkāvabhito rathaṃ ye dhvāntā vātā agramabhi ye saṃpatanti
dūrehetiḥ patatrī vājinīvāṃste no agnayaḥ paprayaḥ pārayantv iti
cakram abhimantrayate
- 2
अश्वाजनि वाजिनि वाजेषु वाजिनीवत्य् अश्वान्समत्सु चोदयेति काशाम् आदायार्वासि सप्तिर् असीत्य् अश्वान्संक्षिपति
aśvājani vājini vājeṣu vājinīvaty aśvānsamatsu codayeti kāśām ādāyārvāsi saptir asīty aśvānsaṃkṣipati
- 3
विश इतराः प्रेष्टान् आरोहन्ति
viśa itarāḥ preṣṭān ārohanti
- 4
तैः सहाजिं धावति
taiḥ sahājiṃ dhāvati
- 5
वाजं वाजिनो जयतेति यजुषा
vājaṃ vājino jayateti yajuṣā
- 6
चतसृभिर्धावति
catasṛbhirdhāvati
- 7
रथा आवर्तन्ते
प्रदक्षिणं काष्ठां कृत्वायन्ति
rathā āvartante
pradakṣiṇaṃ kāṣṭhāṃ kṛtvāyanti
- 8
आ मा वाजस्येत्य् एतयागतेषु जुहोति
ā mā vājasyety etayāgateṣu juhoti
- 9
प्रतिरथं कृष्णलान्य् आहरन्ति
pratirathaṃ kṛṣṇalāny āharanti
- 10
हिरण्यस्थालं शतमानस्य मधुनः पूर्णं ब्रह्मणे
hiraṇyasthālaṃ śatamānasya madhunaḥ pūrṇaṃ brahmaṇe
- 11
इन्द्राय वाचं वदतेति दुन्दुभीन् आघ्नन्ति
indrāya vācaṃ vadateti dundubhīn āghnanti
- 12
इयं वः सा सत्येतीन्द्राय वाचं विमुच्यध्वम् इति रथविमोचनीयं जुहोति
iyaṃ vaḥ sā satyetīndrāya vācaṃ vimucyadhvam iti rathavimocanīyaṃ juhoti
- 13
तेन धर्मेण युग्यौ नैवारम् अवघ्रापयति
tena dharmeṇa yugyau naivāram avaghrāpayati
- 14
दर्भमयं वासः पत्नी परिधत्ते तार्प्यं यजमानः क्षौमं यूषे सर्पिषि वा पर्यस्तम्
darbhamayaṃ vāsaḥ patnī paridhatte tārpyaṃ yajamānaḥ kṣaumaṃ yūṣe sarpiṣi vā paryastam
- 15
स्वो रोहावेति यजमानः पत्नीम् आमन्त्रयत एहीति पत्नी तैर् एतेन धर्मेण
svo rohāveti yajamānaḥ patnīm āmantrayata ehīti patnī tair etena dharmeṇa
- 16
अहं नाव् उभयो रोक्ष्यामीत्य् उक्त्वायुर्यज्ञेन कल्पत इति यजमानो यूपम् आरोहति
ahaṃ nāv ubhayo rokṣyāmīty uktvāyuryajñena kalpata iti yajamāno yūpam ārohati
- 17
अन्नाय त्वा वाजाय त्वेति विश ऊषपुटैर्यजमानम् अर्पयन्ति पुरस्तात्प्रत्यञ्चम्
annāya tvā vājāya tveti viśa ūṣapuṭairyajamānam arpayanti purastātpratyañcam
- 18
यो यः पर्येति तं तम् अभिपर्यावर्तेत
yo yaḥ paryeti taṃ tam abhiparyāvarteta
- 19
स्वर्देवा अगामेत्य् ऊर्वाव्यधिस्त्रिनयति
svardevā agāmety ūrvāvyadhistrinayati
- 20
अग्ने अच्छावदेह न इति सप्तभिर् अन्नहोमान्जुहोति
agne acchāvadeha na iti saptabhir annahomānjuhoti
- 21
अग्नया एकाक्षराय छन्दसे स्वाहेत्य् अनुवाकशेषेण यजमानम् अवरोहयति
agnayā ekākṣarāya chandase svāhety anuvākaśeṣeṇa yajamānam avarohayati
- 22
इयं ते राण्मित्रस्य यन्तासि यमनो धर्तासि धरुणो रय्यै पोषाय कृष्यै क्षेमायेत्य् अवरोहन्तम् अनुमन्त्रयते
iyaṃ te rāṇmitrasya yantāsi yamano dhartāsi dharuṇo rayyai poṣāya kṛṣyai kṣemāyety avarohantam anumantrayate
- 23
कृष्णाजिनम् आसन्द्याम् आस्तृणाति बस्ताजिने रुक्मं शतमानम्
तेजो ऽसीति रुक्मे पादम् आदधाति पुष्टिर् असि प्रजननम् असीति बस्ताजिने
kṛṣṇājinam āsandyām āstṛṇāti bastājine rukmaṃ śatamānam
tejo 'sīti rukme pādam ādadhāti puṣṭir asi prajananam asīti bastājine
- 24
दिवं प्रोष्ठनीम् आरोह ताम् आरुह्य प्रपश्यैकराण्मनुष्याणाम् इत्य् आरोहन्तम् अनुमन्त्रयते
divaṃ proṣṭhanīm āroha tām āruhya prapaśyaikarāṇmanuṣyāṇām ity ārohantam anumantrayate
- 25
तेन धर्मेण परिषिञ्चति
tena dharmeṇa pariṣiñcati
- 26
अत्रैवास्य श्वेतं छत्रं धारयन्त्य् आजिशरेण वा
atraivāsya śvetaṃ chatraṃ dhārayanty ājiśareṇa vā
- 27
परिधानीयां सम्पाद्य माहेन्द्रेण प्रचरत्य् ऐन्द्रैश्चातिग्राह्यैः
paridhānīyāṃ sampādya māhendreṇa pracaraty aindraiścātigrāhyaiḥ
- 28
उपाकृते ब्रह्मसाम्नि सरस्वतीप्रभृतीनां वपाः संस्कुर्वन्ति
upākṛte brahmasāmni sarasvatīprabhṛtīnāṃ vapāḥ saṃskurvanti
- 29
प्रायाजिकस्याशेषेणाभिघारयति
prāyājikasyāśeṣeṇābhighārayati
- 30
ब्राह्मणाच्छंसिचमसैः प्रचर्य सहप्राजापत्यम् अपन्नदत्या वपया प्रचर्य नैवारेण प्रचर्य पशुपुरोडाशैः प्रचरति
brāhmaṇācchaṃsicamasaiḥ pracarya sahaprājāpatyam apannadatyā vapayā pracarya naivāreṇa pracarya paśupuroḍāśaiḥ pracarati

