17 shlokas
- 1
द्रव्येषु ज्ञानं व्याख्यातम्
dravyeṣu jñānaṃ vyākhyātam
- 2
मन आत्मा च
mana ātmā ca
- 3
ज्ञाननिर्देशे ज्ञाननिष्पत्तिरुक्ता
jñānanirdeśe jñānaniṣpattiruktā
- 4
गुणकर्मस्व् असंनिकृष्टेषु ज्ञाननिष्पत्तेर्द्रव्यं कारणं कारणकारणं च
guṇakarmasv asaṃnikṛṣṭeṣu jñānaniṣpatterdravyaṃ kāraṇaṃ kāraṇakāraṇaṃ ca
- 5
सामान्यविशेषेषु सामान्यविशेषाभावात्तत एव ज्ञानम्
sāmānyaviśeṣeṣu sāmānyaviśeṣābhāvāttata eva jñānam
- 6
सामान्यविशेषापेक्षं द्रव्यगुणकर्मसु
sāmānyaviśeṣāpekṣaṃ dravyaguṇakarmasu
- 7
द्रव्ये द्रव्यगुणकर्मापेक्षम्
dravye dravyaguṇakarmāpekṣam
- 8
गुणकर्मसु गुणकर्माभावाद्गुणकर्मापेक्षं न विद्यते
guṇakarmasu guṇakarmābhāvādguṇakarmāpekṣaṃ na vidyate
- 9
समवायिनः श्वैत्याच्छ्वैत्यबुद्धेः श्वेते बुद्धिस्ते कार्यकारणभूते
samavāyinaḥ śvaityācchvaityabuddheḥ śvete buddhiste kāryakāraṇabhūte
- 10
द्रव्येष्वनितरेतरकारणात्कारणायौगपद्यात्
dravyeṣvanitaretarakāraṇātkāraṇāyaugapadyāt
- 11
तथा द्रव्यगुणकर्मसु कारणाविशेषात्
tathā dravyaguṇakarmasu kāraṇāviśeṣāt
- 12
अयमेष कृतं त्वया भोजयैनमिति बुद्ध्यपेक्षम्
ayameṣa kṛtaṃ tvayā bhojayainamiti buddhyapekṣam
- 13
दृष्टेषु भावाददृष्टेष्वभावात्
dṛṣṭeṣu bhāvādadṛṣṭeṣvabhāvāt
- 14
अर्थ इति द्रव्यगुणकर्मसु
artha iti dravyaguṇakarmasu
- 15
द्रव्येषु पञ्चात्मकं प्रत्युक्तम्
dravyeṣu pañcātmakaṃ pratyuktam
- 16
भूयस्त्वाद्गन्धवत्त्वाच्च पृथिवी गन्धज्ञाने
bhūyastvādgandhavattvācca pṛthivī gandhajñāne
- 17
तथापस्तेजो वायुश्च रसरूपस्पर्शज्ञानेषु रसरूपस्पर्शविशेषादिति
tathāpastejo vāyuśca rasarūpasparśajñāneṣu rasarūpasparśaviśeṣāditi

