3 shlokas
- 1
यथा स्मृतिमत आत्मनः प्रत्यक्षं लिङ्गं दृष्ट्वा अप्रत्यक्षे ज्ञानमुत्पद्यते तथैव सामान्यमात्रदर्शनात्स्मृतिमतो विशेषं जिज्ञासोर् अगृहीते विशेषे स्थाणुः पुरुषो वा इति जायते संशयः
yathā smṛtimata ātmanaḥ pratyakṣaṃ liṅgaṃ dṛṣṭvā apratyakṣe jñānamutpadyate tathaiva sāmānyamātradarśanātsmṛtimato viśeṣaṃ jijñāsor agṛhīte viśeṣe sthāṇuḥ puruṣo vā iti jāyate saṃśayaḥ
- 2
यथा च भूतार्थसम्बन्धवशेन अयम् एवंभूतोऽर्थः इति प्रत्यक्षमुत्पद्यते तथैव विशेषसम्बन्धवशेन निवृत्ते संशये इदमेवंभूतम् इति निर्णयो जायते
yathā ca bhūtārthasambandhavaśena ayam evaṃbhūto'rthaḥ iti pratyakṣamutpadyate tathaiva viśeṣasambandhavaśena nivṛtte saṃśaye idamevaṃbhūtam iti nirṇayo jāyate
- 3
इदानीं कार्यकारणबुद्धी निरूपयति
idānīṃ kāryakāraṇabuddhī nirūpayati

