Taittiriya Brahmana · Anuvaka 2 3.8.2.4
3.8.2.4यद्दर्भमयी रशना भवति
पुनात्य् एवैनम्
पूतम् एनं मेध्यम् आलभते
अश्वस्य वा आलब्धस्य महिमोदक्रामत्
स महर्त्विजः प्राविशत्
तन्महर्त्विजां महर्त्विक्त्वम्
यन्महर्त्विजः प्राश्नन्ति
महिमानम् एवास्मिन्तद्दधति
अश्वस्य वा आलब्धस्य रेत उदक्रामत्
तत्सुवर्णं हिरण्यम् अभवत्
यत्सुवर्णं हिरण्यं ददाति
रेत एव तद्दधाति
ओदने ददाति
रेतो वा ओदनः
रेतो हिरण्यम्
रेतसैवास्मिन्रेतो दधाति
Transliteration
yaddarbhamayī raśanā bhavati
punāty evainam
pūtam enaṃ medhyam ālabhate
aśvasya vā ālabdhasya mahimodakrāmat
sa mahartvijaḥ prāviśat
tanmahartvijāṃ mahartviktvam
yanmahartvijaḥ prāśnanti
mahimānam evāsmintaddadhati
aśvasya vā ālabdhasya reta udakrāmat
tatsuvarṇaṃ hiraṇyam abhavat
yatsuvarṇaṃ hiraṇyaṃ dadāti
reta eva taddadhāti
odane dadāti
reto vā odanaḥ
reto hiraṇyam
retasaivāsminreto dadhāti
By System Admin
Translation
Draft in progress