4 shlokas
- 1
अन्तो वा एष यज्ञस्य
यद्दशमम् अहः
दशमे ऽहन्सर्पराज्ञिया ऋग्भिः स्तुवन्ति
यज्ञस्यैवान्तं गत्वा
अन्नाद्यम् अवरुन्धते
तिसृभिः स्तुवन्ति
त्रय इमे लोकाः
एभ्य एव लोकेभ्यो ऽन्नाद्यम् अवरुन्धते
पृश्निवतीर्भवन्ति
अन्नं वै पृश्नि
anto vā eṣa yajñasya
yaddaśamam ahaḥ
daśame 'hansarparājñiyā ṛgbhiḥ stuvanti
yajñasyaivāntaṃ gatvā
annādyam avarundhate
tisṛbhiḥ stuvanti
traya ime lokāḥ
ebhya eva lokebhyo 'nnādyam avarundhate
pṛśnivatīrbhavanti
annaṃ vai pṛśni
- 2
अन्नम् एवावरुन्धते
मनसा प्रस्तौति
मनसोद्गायति
मनसा प्रतिहरति
मन इव हि प्रजापतिः
प्रजापतेर् आप्त्यै
देवा वै सर्पाः
तेषाम् इयं राज्ञी
यत्सर्पराज्ञिया ऋग्भिः स्तुवन्ति
अस्याम् एव प्रतितिष्ठन्ति
annam evāvarundhate
manasā prastauti
manasodgāyati
manasā pratiharati
mana iva hi prajāpatiḥ
prajāpater āptyai
devā vai sarpāḥ
teṣām iyaṃ rājñī
yatsarparājñiyā ṛgbhiḥ stuvanti
asyām eva pratitiṣṭhanti
- 3
चतुर्होतॄन्होता व्याचष्टे
स्तुतम् अनुशंसति शान्त्यै
अन्तो वा एष यज्ञस्य
यद्दशमम् अहः
एतत्खलु वै देवानां परमं गुह्यं ब्रह्म
यच्चतुर्होतारः
दशमे ऽहंश्चतुर्होतॄन्व्याचष्टे
यज्ञस्यैवान्तं गत्वा
परमं देवानां गुह्यं ब्रह्मावरुन्धे
तद् एव प्रकाशं गमयति
caturhotṝnhotā vyācaṣṭe
stutam anuśaṃsati śāntyai
anto vā eṣa yajñasya
yaddaśamam ahaḥ
etatkhalu vai devānāṃ paramaṃ guhyaṃ brahma
yaccaturhotāraḥ
daśame 'haṃścaturhotṝnvyācaṣṭe
yajñasyaivāntaṃ gatvā
paramaṃ devānāṃ guhyaṃ brahmāvarundhe
tad eva prakāśaṃ gamayati
- 4
तद् एनं प्रकाशं गतम्
प्रकाशं प्रजानां गमयति
वाचं यच्छति
यज्ञस्य धृत्यै
यजमानदेवत्यं वा अहः
भ्रातृव्यदेवत्या रात्रिः
अह्ना रात्रिं ध्यायेत्
भ्रातृव्यस्यैव तल्लोकं वृङ्क्ते
यद्दिवा वाचं विसृजेत्
अहर्भ्रातृव्यायोच्छिंषेत्
यन्नक्तं विसृजेत्
रात्रिं भ्रातृव्यायोच्छिंषेत्
अधिवृक्षसूर्ये वाचं विसृजति
एतावन्तम् एवास्मै लोकम् उच्छिंषति
यावद् आदित्यो ऽस्तमेति
tad enaṃ prakāśaṃ gatam
prakāśaṃ prajānāṃ gamayati
vācaṃ yacchati
yajñasya dhṛtyai
yajamānadevatyaṃ vā ahaḥ
bhrātṛvyadevatyā rātriḥ
ahnā rātriṃ dhyāyet
bhrātṛvyasyaiva tallokaṃ vṛṅkte
yaddivā vācaṃ visṛjet
aharbhrātṛvyāyocchiṃṣet
yannaktaṃ visṛjet
rātriṃ bhrātṛvyāyocchiṃṣet
adhivṛkṣasūrye vācaṃ visṛjati
etāvantam evāsmai lokam ucchiṃṣati
yāvad ādityo 'stameti

