Taittiriya Brahmana · Anuvaka 4 1.2.4.3
1.2.4.3महादिवाकीर्त्यं होतुः पृष्ठम्
विकर्णं ब्रह्मसाम
भासो ऽग्निष्टोमः
अथैतानि पराणि
परैर्वै देवा आदित्यं सुवर्गं लोकम् अपारयन्
यद् अपारयन्
तत्पराणां परत्वम्
पारयन्त्य् एनं पराणि
य एवं वेद
अथैतानि स्पराणि
स्परैर्वै देवा आदित्यं सुवर्गं लोकम् अस्पारयन्
यद् अस्पारयन्
तत्स्पराणां स्परत्वम्
स्पारयन्त्य् एनं स्पराणि
य एवं वेद
Transliteration
mahādivākīrtyaṃ hotuḥ pṛṣṭham
vikarṇaṃ brahmasāma
bhāso 'gniṣṭomaḥ
athaitāni parāṇi
parairvai devā ādityaṃ suvargaṃ lokam apārayan
yad apārayan
tatparāṇāṃ paratvam
pārayanty enaṃ parāṇi
ya evaṃ veda
athaitāni sparāṇi
sparairvai devā ādityaṃ suvargaṃ lokam aspārayan
yad aspārayan
tatsparāṇāṃ sparatvam
spārayanty enaṃ sparāṇi
ya evaṃ veda
By System Admin
Translation
Draft in progress