Taittiriya Aranyaka · Anuvaka 9 5.9.11
5.9.11मनुष्यो हि
एष सन्मनुष्यान् उपैति
ईश्वरो वै प्रवर्ग्यम् उद्वासयन्
प्रजां पशून्त्सोमपीथम् अनूद्वासः सोमपीथानु मेहि
सह प्रजया सह रायस्पोषेणेत्य् आह
प्रजाम् एव पशून्त्सोमपीथम् आत्मन्धत्ते
सुमित्रा न आप ओषधयः सन्त्व् इत्य् आह
आशिषम् एवैताम् आशास्ते
दुर्मित्रास्तस्मै भूयासुर्यो ऽस्मान्द्वेष्टि यं च वयं द्विष्म इत्य् आह
अभिचार एवास्यैषः
प्र वा एषो ऽस्माल्लोकाच्च्यवते
यः प्रवर्ग्यम् उद्वासयति
उद् उ त्यं चित्रम् इति सौरीभ्याम् ऋग्भ्यां पुनर् एत्य गार्हपत्ये जुहोति
अयं वै लोको गार्हपत्यः
अस्मिन्न् एव लोके प्रतितिष्ठति
असौ खलु वा आदित्यः सुवर्गो लोकः
यत्सौरी भवतः
तेनैव सुवर्गाल्लोकान्नैति
Transliteration
manuṣyo hi
eṣa sanmanuṣyān upaiti
īśvaro vai pravargyam udvāsayan
prajāṃ paśūntsomapītham anūdvāsaḥ somapīthānu mehi
saha prajayā saha rāyaspoṣeṇety āha
prajām eva paśūntsomapītham ātmandhatte
sumitrā na āpa oṣadhayaḥ santv ity āha
āśiṣam evaitām āśāste
durmitrāstasmai bhūyāsuryo 'smāndveṣṭi yaṃ ca vayaṃ dviṣma ity āha
abhicāra evāsyaiṣaḥ
pra vā eṣo 'smāllokāccyavate
yaḥ pravargyam udvāsayati
ud u tyaṃ citram iti saurībhyām ṛgbhyāṃ punar etya gārhapatye juhoti
ayaṃ vai loko gārhapatyaḥ
asminn eva loke pratitiṣṭhati
asau khalu vā ādityaḥ suvargo lokaḥ
yatsaurī bhavataḥ
tenaiva suvargāllokānnaiti
By System Admin
Translation
Draft in progress