Taittiriya Aranyaka · Anuvaka 7 5.7.12
5.7.12तस्मा एवैनं जुहोति
एताभ्य एवैनं देवताभ्यो जुहोति
दश सम्पद्यन्ते
दशाक्षरा विराट्
अन्नं विराट्
विराजैवान्नाद्यम् अवरुन्द्धे
रौहिणाभ्यां वै देवाः सुवर्गम् आयन्
तद्रौहिणयो रौहिणत्वम्
यद्रौहिणौ भवतः
रौहिणाभ्याम् एव तद्यजमानः सुवर्गं लोकम् एति
अहर्ज्योतिः केतुना जुषतां सुज्योतिर्ज्योतिषां स्वाहा रात्रिर्ज्योतिः केतुना जुषतां सुज्योतिर्ज्योतिषां स्वाहेत्य् आह
आदित्यम् एव तद् अमुष्मिन्लोके ऽह्ना परस्ताद्दाधार
रात्रिया अवस्तात्
तस्माद् असाव् आदित्यो ऽमुष्मिंल्लोके ऽहोरात्राभ्यां धृतः
Transliteration
tasmā evainaṃ juhoti
etābhya evainaṃ devatābhyo juhoti
daśa sampadyante
daśākṣarā virāṭ
annaṃ virāṭ
virājaivānnādyam avarunddhe
rauhiṇābhyāṃ vai devāḥ suvargam āyan
tadrauhiṇayo rauhiṇatvam
yadrauhiṇau bhavataḥ
rauhiṇābhyām eva tadyajamānaḥ suvargaṃ lokam eti
aharjyotiḥ ketunā juṣatāṃ sujyotirjyotiṣāṃ svāhā rātrirjyotiḥ ketunā juṣatāṃ sujyotirjyotiṣāṃ svāhety āha
ādityam eva tad amuṣminloke 'hnā parastāddādhāra
rātriyā avastāt
tasmād asāv ādityo 'muṣmiṃlloke 'horātrābhyāṃ dhṛtaḥ
By System Admin
Translation
Draft in progress