Sushruta Samhita · 1.12 1.12.16
1.12.16तत्र प्लुष्टं दुर्दग्धं सम्यग्दग्धम् अतिदग्धं चेति चतुर्विधम् अग्निदग्धम्
तत्र यद्विवर्णं प्लुष्यते ऽतिमात्रं तत्प्लुष्टं यत्रोत्तिष्ठन्ति स्फोटास्तीव्राश्चोषदाहरागपाकवेदनाश्चिराच्चोपशाम्यन्ति तद्दुर्दग्धं सम्यग्दग्धम् अनवगाढं तालफलवर्णं सुसंस्थितं पूर्वलक्षणयुक्तं च अतिदग्धे मांसावलम्बनं गात्रविश्लेषः सिरास्नायुसंध्यस्थिव्यापादनम् अतिमात्रं ज्वरदाहपिपासामूर्छाश्चोपद्रवा भवन्ति व्रणश्चास्य चिरेण रोहति रूढश्च विवर्णो भवति
तदेतच्चतुर्विधम् अग्निदग्धलक्षणम् आत्मकर्मप्रसाधकं भवति
Transliteration
tatra pluṣṭaṃ durdagdhaṃ samyagdagdham atidagdhaṃ ceti caturvidham agnidagdham
tatra yadvivarṇaṃ pluṣyate 'timātraṃ tatpluṣṭaṃ yatrottiṣṭhanti sphoṭāstīvrāścoṣadāharāgapākavedanāścirāccopaśāmyanti taddurdagdhaṃ samyagdagdham anavagāḍhaṃ tālaphalavarṇaṃ susaṃsthitaṃ pūrvalakṣaṇayuktaṃ ca atidagdhe māṃsāvalambanaṃ gātraviśleṣaḥ sirāsnāyusaṃdhyasthivyāpādanam atimātraṃ jvaradāhapipāsāmūrchāścopadravā bhavanti vraṇaścāsya cireṇa rohati rūḍhaśca vivarṇo bhavati
tadetaccaturvidham agnidagdhalakṣaṇam ātmakarmaprasādhakaṃ bhavati
By System Admin
Translation
Draft in progress