6 shlokas
- 1
अथ यन्त्रे बीजोद्धारं प्रवक्ष्यामि देवतासन्निधये वृत्तभानुमतीद्व्यर्णमुद्धरेत्कमलाष्टपर्णेषु दण्ड एषः पिङ्गाक्षप्रचण्डक्षेत्रपालगणपतिदुर्गालक्ष्म्यो ङेन्ता अष्टौ स्याद्वर्ण (?) बीजकाद्याः षट्कोणेषु तारया हंसस्सोहमितिचतुराशासु मायामङ्कुशं च माख (?) ष्वष्टसु तत्तदाद्यर्णमध्ये तृतीयनामादिकमिति देशिकोक्त्या सर्वे विज्ञाय साधकः सिद्ध्यति ॥
atha yantre bījoddhāraṃ pravakṣyāmi devatāsannidhaye vṛttabhānumatīdvyarṇamuddharetkamalāṣṭaparṇeṣu daṇḍa eṣaḥ piṅgākṣapracaṇḍakṣetrapālagaṇapatidurgālakṣmyo ṅentā aṣṭau syādvarṇa (?) bījakādyāḥ ṣaṭkoṇeṣu tārayā haṃsassohamiticaturāśāsu māyāmaṅkuśaṃ ca mākha (?) ṣvaṣṭasu tattadādyarṇamadhye tṛtīyanāmādikamiti deśikoktyā sarve vijñāya sādhakaḥ siddhyati ||
- 2
गुरुभक्ताय शान्ताय प्रदेयं नियतात्मने ।
न च शुश्रूषवे वाच्यं हैतुकाय कदाचन ॥
gurubhaktāya śāntāya pradeyaṃ niyatātmane |
na ca śuśrūṣave vācyaṃ haitukāya kadācana ||
- 3
देशिकोक्तविधानेन यन्त्रे देवं प्रपूजयेत् ।
अर्घ्यदानं ततः कुर्याद्भानुरप्रियः सदा ॥
deśikoktavidhānena yantre devaṃ prapūjayet |
arghyadānaṃ tataḥ kuryādbhānurapriyaḥ sadā ||
- 4
देशिकोक्तेन मन्त्रेण तृचेन च यथाविधि ।
साधकः साधयेत् सर्वमिह लोके परत्र च ॥
deśikoktena mantreṇa tṛcena ca yathāvidhi |
sādhakaḥ sādhayet sarvamiha loke paratra ca ||
- 5
किं पुत्र बहुनोक्तेन सत्यं सत्येन मे शपे ।
प्रत्यक्षदैवतं सूर्यः परोक्षं सर्वदेवताः ॥
kiṃ putra bahunoktena satyaṃ satyena me śape |
pratyakṣadaivataṃ sūryaḥ parokṣaṃ sarvadevatāḥ ||
- 6
सूर्यस्योपासनं कार्यं गच्छेत् सूर्यसꣳ सदम् ।
गच्छेत् सूर्यसꣳसदं गच्छेत् सूर्यसꣳसदमिति ॥
sūryasyopāsanaṃ kāryaṃ gacchet sūryasam̐ sadam |
gacchet sūryasam̐sadaṃ gacchet sūryasam̐sadamiti ||

