Shatapatha Brahmana (Madhyandina) · Kandika 2 6.8.2.9
6.8.2.9बोधा मे अस्य वचसो यविष्ठेति बोध मे ऽस्य वचसो यविष्ठेत्य् एतत्
मंहिष्ठस्य प्रभृतस्य स्वधाव इति भूयिष्ठस्य प्रभृतस्य स्वधाव इत्य् एतत्
पीयति त्वो अनु त्वो गृणातीति पीयत्य् एको ऽन्व् एको गृणाति
वन्दारुष्टे तन्वं वन्दे अग्न इति वन्दिता ते ऽहं तन्वं वन्दे ऽग्न इत्य् एतत्
स बोधि सूरिर्मघवा वसुपते वसुदावन्युयोध्य् अस्मद्द्वेषांसीति
यथैवास्माद्द्वेषांसि युयाद् एवम् एतद् आह
द्वाभ्याम् उपतिष्ठते गायत्र्या च त्रिष्टुभा च
तस्योक्तो बन्धुः
Transliteration
bodhā me asya vacaso yaviṣṭheti bodha me 'sya vacaso yaviṣṭhety etat
maṃhiṣṭhasya prabhṛtasya svadhāva iti bhūyiṣṭhasya prabhṛtasya svadhāva ity etat
pīyati tvo anu tvo gṛṇātīti pīyaty eko 'nv eko gṛṇāti
vandāruṣṭe tanvaṃ vande agna iti vanditā te 'haṃ tanvaṃ vande 'gna ity etat
sa bodhi sūrirmaghavā vasupate vasudāvanyuyodhy asmaddveṣāṃsīti
yathaivāsmāddveṣāṃsi yuyād evam etad āha
dvābhyām upatiṣṭhate gāyatryā ca triṣṭubhā ca
tasyokto bandhuḥ
By System Admin
Translation
Draft in progress