Shatapatha Brahmana (Madhyandina) · Kandika 4 6.7.4.4
6.7.4.4विद्मा ते अग्ने त्रेधा त्रयाणीति अग्निर्वायुर् आदित्य एतानि हास्य तानि त्रेधा त्रयाणि
विद्मा ते धाम विभृता पुरुत्रेति यद् इदम्बहुधा विह्रियते
विद्मा ते नाम परमं गुहा यद् इति यविष्ठ इति वा अस्य तन्नाम परमं गुहा
विद्मा तम् उत्सं यत आजगन्थेत्य् आपो वा उत्सः
अद्भ्यो वा एष प्रथमम् आजगाम
समुद्रे त्वा नृमणा अप्स्व् अन्तर् इति प्रजापतिर्वै नृमणाः
अप्सु त्वा प्रजापतिर् इत्य् एतत्
नृचक्षा ईधे दिवो अग्न ऊधन्न् इति प्रजापतिर्वै नृचक्षाः
आपो दिव ऊधः
तृतीये त्वा रजसि तस्थिवांसम् इति द्यौर्वै तृतीयं रजः
अपाम् उपस्थे महिषा अवर्धन्न् इति प्राणा वै महिषाः
दिवि त्वा प्राणा अवर्धन्न् इत्य् एतत्
Transliteration
vidmā te agne tredhā trayāṇīti agnirvāyur āditya etāni hāsya tāni tredhā trayāṇi
vidmā te dhāma vibhṛtā purutreti yad idambahudhā vihriyate
vidmā te nāma paramaṃ guhā yad iti yaviṣṭha iti vā asya tannāma paramaṃ guhā
vidmā tam utsaṃ yata ājaganthety āpo vā utsaḥ
adbhyo vā eṣa prathamam ājagāma
samudre tvā nṛmaṇā apsv antar iti prajāpatirvai nṛmaṇāḥ
apsu tvā prajāpatir ity etat
nṛcakṣā īdhe divo agna ūdhann iti prajāpatirvai nṛcakṣāḥ
āpo diva ūdhaḥ
tṛtīye tvā rajasi tasthivāṃsam iti dyaurvai tṛtīyaṃ rajaḥ
apām upasthe mahiṣā avardhann iti prāṇā vai mahiṣāḥ
divi tvā prāṇā avardhann ity etat
By System Admin
Translation
Draft in progress