Shatapatha Brahmana (Madhyandina) · Kandika 1 6.3.1.20
6.3.1.20इमं नो देव सवितर्यज्ञम्प्रणयेति
असौ वा आदित्यो देवः सविता यद् उ वा एष यज्ञियं कर्म प्रणयति तद् अनार्तं स्वस्त्युदृचम् अश्नुते देवाव्यमिति यो देवान् अवद् इत्य् एतत्सखिविदं सत्राजितं धनजितं स्वर्जितम् इति य एतत्सर्वं विन्दाद् इत्य् एतदृचेत्यृचा स्तोमं समर्धय गायत्रेण रथन्तरम्बृहद्गायत्रवर्तनीति सामानि स्वाहेति यजूंषि सैषा त्रयी विद्या प्रथमं जायते यथैवादो ऽमुत्राजायतैवम् अथ यः सो ऽग्निर् असृज्यतैष स यो ऽत ऊर्ध्वम् अग्निश्चीयते
Transliteration
imaṃ no deva savitaryajñampraṇayeti
asau vā ādityo devaḥ savitā yad u vā eṣa yajñiyaṃ karma praṇayati tad anārtaṃ svastyudṛcam aśnute devāvyamiti yo devān avad ity etatsakhividaṃ satrājitaṃ dhanajitaṃ svarjitam iti ya etatsarvaṃ vindād ity etadṛcetyṛcā stomaṃ samardhaya gāyatreṇa rathantarambṛhadgāyatravartanīti sāmāni svāheti yajūṃṣi saiṣā trayī vidyā prathamaṃ jāyate yathaivādo 'mutrājāyataivam atha yaḥ so 'gnir asṛjyataiṣa sa yo 'ta ūrdhvam agniścīyate
By System Admin
Translation
Draft in progress