Shatapatha Brahmana (Madhyandina) · Kandika 4 5.3.4.3
5.3.4.3स सारस्वतीरेव प्रथमा गृह्णाति
अपो देवा मधुमतीर् अगृभ्णन्न् इत्य् अपो देवा रसवतीरगृह्णन्न् इत्येवैतद् आहोर्जस्वती राजस्वश्चिताना इति रसवतीरित्येवैतदाह यदाहोर्जस्वतीरिति राजस्वश्चिताना इति याः प्रज्ञाता राजस्व इत्येवैतदाह याभिर्मित्रावरुणावभ्यषिञ्चन्न् इत्य् एताभिर्हि मित्रावरुणावभ्यषिञ्चन्याभिर् इन्द्रम् अनयन्नत्यरातीरित्येताभिर्हीन्द्रं नाष्ट्रारक्षांस्यत्यनयंस्ताभिरभिषिञ्चति वाग्वै सरस्वती वाचैवैनमेतदभिषिञ्चत्य् एता वा एका आपस्ता एवैतत्संभरति
Transliteration
sa sārasvatīreva prathamā gṛhṇāti
apo devā madhumatīr agṛbhṇann ity apo devā rasavatīragṛhṇann ityevaitad āhorjasvatī rājasvaścitānā iti rasavatīrityevaitadāha yadāhorjasvatīriti rājasvaścitānā iti yāḥ prajñātā rājasva ityevaitadāha yābhirmitrāvaruṇāvabhyaṣiñcann ity etābhirhi mitrāvaruṇāvabhyaṣiñcanyābhir indram anayannatyarātīrityetābhirhīndraṃ nāṣṭrārakṣāṃsyatyanayaṃstābhirabhiṣiñcati vāgvai sarasvatī vācaivainametadabhiṣiñcaty etā vā ekā āpastā evaitatsaṃbharati
By System Admin
Translation
Draft in progress