Shatapatha Brahmana (Madhyandina) · Kandika 9 4.6.9.16
4.6.9.16ते यथाधिष्ण्यम् एवोपविशन्ति
देवेभ्यो ह वै वाचो रसो ऽभिजितो ऽपचिक्रमिषांचकार
स इमाम् एव पराङ् अत्यसिसृप्सत्
इयं वै वाक्
तस्या एष रसो यद् ओषधयो यद्वनस्पतयः
तम् एतेन साम्नाप्नुवन्
स एनान् आप्तो ऽभ्यावर्तत
तस्माद् अस्याम् ऊर्ध्वा ओषधयो जायन्त ऊर्ध्वा वनस्पतयः
तथो एवैतेभ्य एतद्वाचो रसो ऽभिजितो ऽपचिक्रमिषति
स इमाम् एव पराङ् अतिसिसृप्सति
इयं वै वाक्
तस्या एष रसो यद् ओषधयो यद्वनस्पतयः
तम् एतेन साम्नाप्नुवन्ति
स एनान् आप्तो ऽभ्यावर्तते
तस्माद् अस्याम् ऊर्ध्वा ओषधयो जायन्त ऊर्ध्वा वनस्पतयः
Transliteration
te yathādhiṣṇyam evopaviśanti
devebhyo ha vai vāco raso 'bhijito 'pacikramiṣāṃcakāra
sa imām eva parāṅ atyasisṛpsat
iyaṃ vai vāk
tasyā eṣa raso yad oṣadhayo yadvanaspatayaḥ
tam etena sāmnāpnuvan
sa enān āpto 'bhyāvartata
tasmād asyām ūrdhvā oṣadhayo jāyanta ūrdhvā vanaspatayaḥ
tatho evaitebhya etadvāco raso 'bhijito 'pacikramiṣati
sa imām eva parāṅ atisisṛpsati
iyaṃ vai vāk
tasyā eṣa raso yad oṣadhayo yadvanaspatayaḥ
tam etena sāmnāpnuvanti
sa enān āpto 'bhyāvartate
tasmād asyām ūrdhvā oṣadhayo jāyanta ūrdhvā vanaspatayaḥ
By System Admin
Translation
Draft in progress