Shatapatha Brahmana (Madhyandina) · Kandika 5 3.8.5.11
3.8.5.11अथाभिमन्त्रयते
सुमित्रिया न आप ओषधयः सन्तु दुर्मित्रियास्तस्मै सन्तु यो ऽस्मान्द्वेष्टि यं च वयं द्विष्म इति यत्र वा एतेन प्रचरन्त्य् आपश्च ह वा अस्मात्तावदोषधयश्चापक्रम्येव तिष्ठन्ति तद् उ ताभिर्मित्रधेयं कुरुते तथो हैनं ताः पुनः प्रविशन्त्य् एषो तत्र प्रायश्चित्तिः क्रियते स वै नाग्नीषोमीयस्य पशोः करोति नाग्नेयस्य वशाया एवानूबन्ध्यायै तां हि सर्वो ऽनु यज्ञः संतिष्ठत एतद् उ हास्याग्नीषोमीयस्य च पशोर् आग्नेयस्य च हृदयशूलेन चरितं भवति यद्वशायाश्चरति
Transliteration
athābhimantrayate
sumitriyā na āpa oṣadhayaḥ santu durmitriyāstasmai santu yo 'smāndveṣṭi yaṃ ca vayaṃ dviṣma iti yatra vā etena pracaranty āpaśca ha vā asmāttāvadoṣadhayaścāpakramyeva tiṣṭhanti tad u tābhirmitradheyaṃ kurute tatho hainaṃ tāḥ punaḥ praviśanty eṣo tatra prāyaścittiḥ kriyate sa vai nāgnīṣomīyasya paśoḥ karoti nāgneyasya vaśāyā evānūbandhyāyai tāṃ hi sarvo 'nu yajñaḥ saṃtiṣṭhata etad u hāsyāgnīṣomīyasya ca paśor āgneyasya ca hṛdayaśūlena caritaṃ bhavati yadvaśāyāścarati
By System Admin
Translation
Draft in progress