Shatapatha Brahmana (Madhyandina) · Kandika 2 3.4.2.14
3.4.2.14ते समवमृशन्त्य् अनाधृष्टम् अस्य् अनाधृष्यं देवानाम् ओज इति
अनाधृष्टा हि देवा आसन्न् अनाधृष्याः सह सन्तः समानं वदन्तः समानं दध्राणाः
देवानाम् ओज इति
देवानां वै जुष्टास्तन्वः प्रियाणि धामानि
अनभिशस्त्य् अभिशस्तिपा अनभिशस्तेन्यम् इति
सर्वां हि देवा अभिशस्तिं तीर्णाः
अञ्जसा सत्यम् उपगेषम् इति सत्यं वदानि मेदम् अतिक्रमिषम् इत्य् एवैतद् आह
स्विते मा धा इति
स्विते हि तद्देवा आत्मानम् अदधत यत्सत्यम् अवदन्यत्सत्यम् अकुर्वन्
तस्माद् आह स्विते मा धा इति
Transliteration
te samavamṛśanty anādhṛṣṭam asy anādhṛṣyaṃ devānām oja iti
anādhṛṣṭā hi devā āsann anādhṛṣyāḥ saha santaḥ samānaṃ vadantaḥ samānaṃ dadhrāṇāḥ
devānām oja iti
devānāṃ vai juṣṭāstanvaḥ priyāṇi dhāmāni
anabhiśasty abhiśastipā anabhiśastenyam iti
sarvāṃ hi devā abhiśastiṃ tīrṇāḥ
añjasā satyam upageṣam iti satyaṃ vadāni medam atikramiṣam ity evaitad āha
svite mā dhā iti
svite hi taddevā ātmānam adadhata yatsatyam avadanyatsatyam akurvan
tasmād āha svite mā dhā iti
By System Admin
Translation
Draft in progress