Shatapatha Brahmana (Madhyandina) · Kandika 1 3.4.1.19
3.4.1.19आसाद्य हवींष्य् अग्निम्मन्थति
शिरो वै यज्ञस्यातिथ्यम्
जनयन्ति वा एनम् एतद्यन्मन्थन्ति
शीर्षतो वा अग्रे जायमानो जायते
शीर्षत एवैतद् अग्रे यज्ञं जनयति
अग्निर्वै सर्वा देवताः
अग्नौ हि सर्वाभ्यो देवताभ्यो जुह्वति
शिरो वै यज्ञस्यातिथ्यम्
शीर्षत एवैतद्यज्ञं सर्वाभिर्देवताभिः समर्धयति
तस्माद् अग्निम्मन्थति
Transliteration
āsādya havīṃṣy agnimmanthati
śiro vai yajñasyātithyam
janayanti vā enam etadyanmanthanti
śīrṣato vā agre jāyamāno jāyate
śīrṣata evaitad agre yajñaṃ janayati
agnirvai sarvā devatāḥ
agnau hi sarvābhyo devatābhyo juhvati
śiro vai yajñasyātithyam
śīrṣata evaitadyajñaṃ sarvābhirdevatābhiḥ samardhayati
tasmād agnimmanthati
By System Admin
Translation
Draft in progress