Sanskrit

Shatapatha Brahmana (Madhyandina) · Kandika 1 3.2.1.8

3.2.1.8

अथ दक्षिणेन जानुनारोहति शर्मासि शर्म मे यच्छेति

चर्म वा एतत्कृष्णस्य तदस्य तन्मानुषं शर्म देवत्रा

तस्माद् आह शर्मासि शर्म मे यच्छेति

नमस्ते अस्तु मा मा हिंसीरिति

श्रेयांसं वा एष उपाधिरोहति यो यज्ञम्

यज्ञो हि कृष्णाजिनम्

तस्मा एवैतद्यज्ञाय निह्नुते

तथो हैनमेष यज्ञो न हिनस्ति

तस्मादाह नमस्ते ऽस्तु मा मा हिंसीर् इति

Transliteration

atha dakṣiṇena jānunārohati śarmāsi śarma me yaccheti

carma vā etatkṛṣṇasya tadasya tanmānuṣaṃ śarma devatrā

tasmād āha śarmāsi śarma me yaccheti

namaste astu mā mā hiṃsīriti

śreyāṃsaṃ vā eṣa upādhirohati yo yajñam

yajño hi kṛṣṇājinam

tasmā evaitadyajñāya nihnute

tatho hainameṣa yajño na hinasti

tasmādāha namaste 'stu mā mā hiṃsīr iti

By System Admin

Translation

Draft in progress