Sanskrit

Shatapatha Brahmana (Madhyandina) · Kandika 1 13.4.1.15

13.4.1.15

तस्यै सप्तदश सामिधेन्यो भवन्ति सप्तदशो वै प्रजापतिः प्रजापतिर् अश्वमेधो ऽश्वमेधस्यैवाप्त्यै वृधन्वन्ताव् आज्यभागौ यजमानस्यैव वृद्ध्यै पूषंस्तव व्रते वयम्पथस्पथः परिपतिं वचस्येत्य् उपांशु हविषो याज्यानुवाक्ये व्रतवत्यन्या भवति पथन्वत्य् अन्या वीर्यं वै व्रतं वीर्यस्याप्त्यै वीर्यस्यावरुद्ध्या अथ यत्पथन्वत्य् अश्वायैवैतत्स्वस्त्ययनं करोत्य् अनुष्टुभौ संयाज्ये वाग्वा अनुष्टुब्वाग्वै प्रजापतिः प्रजापतिर् अश्वमेधो ऽश्वमेधस्यैवाप्त्यै वासःशतं दक्षिणा रूपं वा एतत्पुरुषस्य यद्वासस्तस्माद्यम् एव कं च सुवाससम् आहुः को न्वयम् इति रूपसमृद्धो हि भवति रूपेणैवैनं समर्धयति शतम्भवति शतायुर्वै पुरुषः शतेन्द्रिय आयुर् एवेन्द्रियं वीर्यम् आत्मन्धत्ते

Transliteration

tasyai saptadaśa sāmidhenyo bhavanti saptadaśo vai prajāpatiḥ prajāpatir aśvamedho 'śvamedhasyaivāptyai vṛdhanvantāv ājyabhāgau yajamānasyaiva vṛddhyai pūṣaṃstava vrate vayampathaspathaḥ paripatiṃ vacasyety upāṃśu haviṣo yājyānuvākye vratavatyanyā bhavati pathanvaty anyā vīryaṃ vai vrataṃ vīryasyāptyai vīryasyāvaruddhyā atha yatpathanvaty aśvāyaivaitatsvastyayanaṃ karoty anuṣṭubhau saṃyājye vāgvā anuṣṭubvāgvai prajāpatiḥ prajāpatir aśvamedho 'śvamedhasyaivāptyai vāsaḥśataṃ dakṣiṇā rūpaṃ vā etatpuruṣasya yadvāsastasmādyam eva kaṃ ca suvāsasam āhuḥ ko nvayam iti rūpasamṛddho hi bhavati rūpeṇaivainaṃ samardhayati śatambhavati śatāyurvai puruṣaḥ śatendriya āyur evendriyaṃ vīryam ātmandhatte

By System Admin

Translation

Draft in progress