Shatapatha Brahmana (Madhyandina) · Kandika 4 10.5.4.15
10.5.4.15तस्यैते प्रतिष्ठे रुक्मश्च पुष्करपर्णं चापश्चादित्यमण्डलं च
स्रुचौ बाहू
ताविन्द्राग्नी
द्वे स्वयमातृण्णे इयं चान्तरिक्षं च
तिस्रो विश्वज्योतिष एता देवता अग्निर्वायुर् आदित्यः
एता ह्य् एव देवता विश्वं ज्योतिः
द्वादशर्तव्याः स संवत्सरः स आत्मा
पञ्च पञ्चचूडाः स यज्ञस्ते देवाः
अथ यद्विकर्णी च स्वयमातृण्णा चाश्मा पृश्निः
यश्चिते ऽग्निर्निधीयते सा पञ्चत्रिंशी
लोकम्पृणायै यजुः षट्त्रिंशी
सो ऽस्यैष सर्वस्यान्तम् एवात्मा
स एष सर्वासाम् अपाम्मध्ये
स एष सर्वैः कामैः सम्पन्नः
आपो वै सर्वे कामाः
स एषो ऽकामः सर्वकामः
न ह्य् एतं कस्यचन कामः
Transliteration
tasyaite pratiṣṭhe rukmaśca puṣkaraparṇaṃ cāpaścādityamaṇḍalaṃ ca
srucau bāhū
tāvindrāgnī
dve svayamātṛṇṇe iyaṃ cāntarikṣaṃ ca
tisro viśvajyotiṣa etā devatā agnirvāyur ādityaḥ
etā hy eva devatā viśvaṃ jyotiḥ
dvādaśartavyāḥ sa saṃvatsaraḥ sa ātmā
pañca pañcacūḍāḥ sa yajñaste devāḥ
atha yadvikarṇī ca svayamātṛṇṇā cāśmā pṛśniḥ
yaścite 'gnirnidhīyate sā pañcatriṃśī
lokampṛṇāyai yajuḥ ṣaṭtriṃśī
so 'syaiṣa sarvasyāntam evātmā
sa eṣa sarvāsām apāmmadhye
sa eṣa sarvaiḥ kāmaiḥ sampannaḥ
āpo vai sarve kāmāḥ
sa eṣo 'kāmaḥ sarvakāmaḥ
na hy etaṃ kasyacana kāmaḥ
By System Admin
Translation
Draft in progress