Shatapatha Brahmana (Madhyandina) · Kandika 4 10.5.4.12
10.5.4.12आत्मा ह त्व् एवैषो ऽग्निश्चितः
तस्यास्थीन्य् एव परिश्रितः
ताः षष्टिश्च त्रीणि च शतानि भवन्ति
षष्टिश्च ह वै त्रीणि च शतानि पुरुषस्यास्थीनि
मज्जानो यजुष्मत्य इष्टकाः
ताः षष्टिश्चैव त्रीणि च शतानि भवन्ति
षष्टिश्च ह वै त्रीणि च शतानि पुरुषस्य मज्जानः
अथ या अमूः षट्त्रिंशद् इष्टका अतियन्ति यः स त्रयोदशो मास आत्मा प्राणः
स तस्य त्रिंशद् आत्मन्विधाः प्रतिष्ठायां द्वे शीर्षन्द्वे
तद्यत्ते द्वे भवतो द्विकपालं हि शिरः
अथ येनेमानि पर्वाणि संततानि तत्सूददोहाः
अथैतत्त्रयं येनायम् आत्मा प्रच्छन्नो लोम त्वङ्मांसम् इति तत्पुरीषम्
यत्पिबति ता आहुतयः
यद् अश्नाति ताः समिधः
अथ यद् आत्मेत्य् आख्यायते तल्लोकम्पृणा
तद्वा एतत्सर्वम् आत्मेत्य् एवाख्यायते
तत्सर्वो ऽग्निर्लोकम्पृणाम् अभिसंपद्यते
स यो हैतद् एवं वेद लोकम्पृणाम् एनम्भूतम् एतत्सर्वम् अभिसंपद्यते
Transliteration
ātmā ha tv evaiṣo 'gniścitaḥ
tasyāsthīny eva pariśritaḥ
tāḥ ṣaṣṭiśca trīṇi ca śatāni bhavanti
ṣaṣṭiśca ha vai trīṇi ca śatāni puruṣasyāsthīni
majjāno yajuṣmatya iṣṭakāḥ
tāḥ ṣaṣṭiścaiva trīṇi ca śatāni bhavanti
ṣaṣṭiśca ha vai trīṇi ca śatāni puruṣasya majjānaḥ
atha yā amūḥ ṣaṭtriṃśad iṣṭakā atiyanti yaḥ sa trayodaśo māsa ātmā prāṇaḥ
sa tasya triṃśad ātmanvidhāḥ pratiṣṭhāyāṃ dve śīrṣandve
tadyatte dve bhavato dvikapālaṃ hi śiraḥ
atha yenemāni parvāṇi saṃtatāni tatsūdadohāḥ
athaitattrayaṃ yenāyam ātmā pracchanno loma tvaṅmāṃsam iti tatpurīṣam
yatpibati tā āhutayaḥ
yad aśnāti tāḥ samidhaḥ
atha yad ātmety ākhyāyate tallokampṛṇā
tadvā etatsarvam ātmety evākhyāyate
tatsarvo 'gnirlokampṛṇām abhisaṃpadyate
sa yo haitad evaṃ veda lokampṛṇām enambhūtam etatsarvam abhisaṃpadyate
By System Admin
Translation
Draft in progress