Shatapatha Brahmana (Madhyandina) · Kandika 6 10.2.6.19
10.2.6.19अन्नाद्वा अशनाया निवर्तते पानात्पिपासा श्रियै पाप्मा ज्योतिषस्तमो ऽमृतान्मृत्युः
नि ह वा अस्माद् एतानि सर्वाणि वर्तन्ते ऽप पुनर्मृत्युं जयति सर्वम् आयुर् एति य एवं वेद
तद् एतद् अमृतम् इत्य् एवामुत्रोपासीतायुर् इतीह
प्राण इति हैक उपासते प्राणो ऽग्निः प्राणो ऽमृतम् इति वदन्तः
न तथा विद्यात्
अध्रुवं वै तद्यत्प्राणः
तं ते विष्याम्य् आयुषो न मध्याद् इति ह्य् अपि यजुषाभ्युक्तम्
तस्माद् एनद् अमृतम् इत्य् एवामुत्रोपासीतायुर् इतीह
तथो ह सर्वम् आयुर् एति
Transliteration
annādvā aśanāyā nivartate pānātpipāsā śriyai pāpmā jyotiṣastamo 'mṛtānmṛtyuḥ
ni ha vā asmād etāni sarvāṇi vartante 'pa punarmṛtyuṃ jayati sarvam āyur eti ya evaṃ veda
tad etad amṛtam ity evāmutropāsītāyur itīha
prāṇa iti haika upāsate prāṇo 'gniḥ prāṇo 'mṛtam iti vadantaḥ
na tathā vidyāt
adhruvaṃ vai tadyatprāṇaḥ
taṃ te viṣyāmy āyuṣo na madhyād iti hy api yajuṣābhyuktam
tasmād enad amṛtam ity evāmutropāsītāyur itīha
tatho ha sarvam āyur eti
By System Admin
Translation
Draft in progress