Sanskrit

Shatapatha Brahmana (Madhyandina) · Kandika 3 10.2.3.18

10.2.3.18

सप्तविधो वा अग्रे प्रजापतिर् असृज्यत

स आत्मानं विदधान ऐत्

स एकशतविधे ऽतिष्ठत

स यो ऽर्वाचीनं सप्तविधाद्विधत्त एतं ह स पितरम्प्रजापतिं विच्छिनत्ति

स इष्ट्वा पापीयान्भवति यथा श्रेयांसं हिंसित्वा

अथ स एकशतविधम् अतिविधत्ते

अस्मात्स सर्वस्माद्बहिर्धा निष्पद्यते

सर्वम् उ हीदम्प्रजापतिः

तस्माद् उ सप्तविधम् एव प्रथमं विदधीताथैकोत्तरम् ऐकशतविधात्

एकशतविधं तु नातिविदधीत

नाहैतं पितरं प्रजापतिं विच्छिनत्ति

नो अस्मात्सर्वस्माद्बहिर्धा निष्पद्यते

Transliteration

saptavidho vā agre prajāpatir asṛjyata

sa ātmānaṃ vidadhāna ait

sa ekaśatavidhe 'tiṣṭhata

sa yo 'rvācīnaṃ saptavidhādvidhatta etaṃ ha sa pitaramprajāpatiṃ vicchinatti

sa iṣṭvā pāpīyānbhavati yathā śreyāṃsaṃ hiṃsitvā

atha sa ekaśatavidham atividhatte

asmātsa sarvasmādbahirdhā niṣpadyate

sarvam u hīdamprajāpatiḥ

tasmād u saptavidham eva prathamaṃ vidadhītāthaikottaram aikaśatavidhāt

ekaśatavidhaṃ tu nātividadhīta

nāhaitaṃ pitaraṃ prajāpatiṃ vicchinatti

no asmātsarvasmādbahirdhā niṣpadyate

By System Admin

Translation

Draft in progress