Shatapatha Brahmana (Madhyandina) · Kandika 3 10.1.3.11
10.1.3.11तद् उ वा आहुः यविष्ठवत्यैवोपतिष्ठेत
एतद्धास्य प्रियं धाम यद्यविष्ठ इति
तद्यद् अस्य प्रियं धाम तेनास्य तद् आप्नोति यद् अस्य किं चानाप्तम् आग्नेय्या
अग्निकर्म हि गायत्र्या
गायत्रो ऽग्निः
यावान् अग्निर्यावत्य् अस्य मात्रा तावतैवास्य तद् आप्नोति यद् अस्य किं चानाप्तम् अनिरुक्तया
सर्वं वा अनिरुक्तम्
सर्वेणैवास्य तद् आप्नोति यद् अस्य किं चानाप्तम्
त्वं यविष्ठ दाशुष इति तस्योक्तो बन्धुः
पुरीषवतीं चितिं कृत्वोपतिष्ठेत
तत्र हि सा सर्वा कृत्स्ना भवति
Transliteration
tad u vā āhuḥ yaviṣṭhavatyaivopatiṣṭheta
etaddhāsya priyaṃ dhāma yadyaviṣṭha iti
tadyad asya priyaṃ dhāma tenāsya tad āpnoti yad asya kiṃ cānāptam āgneyyā
agnikarma hi gāyatryā
gāyatro 'gniḥ
yāvān agniryāvaty asya mātrā tāvataivāsya tad āpnoti yad asya kiṃ cānāptam aniruktayā
sarvaṃ vā aniruktam
sarveṇaivāsya tad āpnoti yad asya kiṃ cānāptam
tvaṃ yaviṣṭha dāśuṣa iti tasyokto bandhuḥ
purīṣavatīṃ citiṃ kṛtvopatiṣṭheta
tatra hi sā sarvā kṛtsnā bhavati
By System Admin
Translation
Draft in progress