Shatapatha Brahmana (Madhyandina) · Kandika 5 1.4.5.4
1.4.5.4अग्ने वेर्होत्रं वेर्दूत्यमिति
उभयं वा एतदग्निर्देवानां होता च दूतश्च तदुभयं विद्धि यद्देवानाम् असीत्य् एवैतदाहावतां त्वां द्यावापृथिवी अव त्वं द्यावापृथिवी इति नात्र तिरोहितमिवास्ति स्विष्टकृद्देवेभ्य इन्द्र आज्येन हविषाभूत्स्वाहेतीन्द्रो वै यज्ञस्य देवता तस्मादाहेन्द्र आज्येनेति वाचे वा एतमाघारम् आघारयतीन्द्रो वाग् इत्य् उ वा आहुस्तस्माद्व् एवाहेन्द्र आज्येनेति
Transliteration
agne verhotraṃ verdūtyamiti
ubhayaṃ vā etadagnirdevānāṃ hotā ca dūtaśca tadubhayaṃ viddhi yaddevānām asīty evaitadāhāvatāṃ tvāṃ dyāvāpṛthivī ava tvaṃ dyāvāpṛthivī iti nātra tirohitamivāsti sviṣṭakṛddevebhya indra ājyena haviṣābhūtsvāhetīndro vai yajñasya devatā tasmādāhendra ājyeneti vāce vā etamāghāram āghārayatīndro vāg ity u vā āhustasmādv evāhendra ājyeneti
By System Admin
Translation
Draft in progress